Andijon shahrida 13-yanvar kuni soat 10:00 atrofida Gentra haydovchisi piyodani urib yubordi. Bu haqda Andijon viloyati Yo‘l harakati xavfsizligi boshqarmasi matbuot xizmati xabar berdi.
Qayd etilishicha, YTH O‘zbekiston ko‘chasida 24 yoshli haydovchi xususiy korxonaga tegishli Gentra avtomobilni boshqarib ketayotganida sodir bo‘lgan. U yo‘lning belgilanmagan qismidan kesib o‘tayotgan 77 yoshli piyodani urib yuborgan.
YTH oqibatida piyoda olgan tan jarohatlari bilan shifoxonaga yotqizilgan. Biroq ko‘rsatilgan tibbiy muolajalarga qaramasdan bir kundan so‘ng vafot etgan.
Hozirda mazkur holat yuzasidan tergovga qadar tekshiruv ishlari olib borilmoqda.
Avvalroq Samarqand va Qashqadaryoda yuz bergan YTHlar oqibatida ikki piyoda halok bo‘lgani to‘g‘risida xabar berilgandi.
Izoh (0)