Amerikalik mashhur qo‘shiqchi Grayms va Silikon vodiysi startapi Curio ChatGPTʼning Open AI texnologiyalaridan foydalangan holda bolalar bilan gaplasha oladigan dunyodagi birinchi o‘yinchoqlarni taqdim etdi.
Сurio kompaniyasining taʼkidlashicha, bunday o‘yinchoqlar uzoq muddatli interaktiv muloqotga qodir bo‘lib, bola o‘yinchoqni do‘st sifatida qabul qila oladi.
“Texnologiyadagi har qanday o‘zgarish o‘yin-kulgining yangi shakllarini yaratadi. Bu o‘yinga sho‘ng‘ishning boshqa darajasi bo‘ladi”, — deydi Sem Eaton Curio kompaniyasining prezidenti va bosh o‘yinchoq ishlab chiqaruvchisi.
O‘yinchoqlarga xonanda Grayms nomi bilan tanilgan Kler Elis ovoz bergan. U shuningdek, Curioning investori va maslahatchisi hisoblanadi.
Grimesning so‘zlariga ko‘ra, sunʼiy intellekt o‘yinchoqlari dastlab uning uchta farzandi uchun yaratilgan.
The Washington Post nashrining yozishicha, olimlar va sarmoyadorlar sunʼiy intellekt o‘yinchoqlarining bolalarga ehtimoliy taʼsiriga hali erta ekanligini aytdi, lekin prognozlarga ko‘ra, yaqin yillarda bunday o‘yinchoqlarning ommalashishi kutilmoqda.
“Ota-onalar har doim o‘z farzandlariga o‘rganish va rivojlantirishga yordam beradigan o‘yinchoqlarni sotib olishni xohlaydi va bu sunʼiy intellektga ega aqlli o‘yinchoqlarni tobora ommalashtiradi”, — deyiladi Contrive Datum Insights tadqiqotlar kompaniyasi hisobotida. Shuningdek, sunʼiy intellekt o‘yinchoqlari bozori 2030-yilga borib, 35,11 milliard dollarga yetishi mumkinligi qayd etilgan.
O‘yinchoqning uchta modeli mavjud: Gabbo, Grem va Grok. O‘yinchoqlarni rasmiy veb-saytdan 99 dollarga buyurtma qilish mumkin. Tovarlar 2024-yilning birinchi oyidan mijozlarga yetkazib berila boshlaydi.
Izoh (0)