O‘zbekistonning yangi tayinlangan elchisi G‘ayrat Fozilov 5-dekabr kuni Belgiya poytaxtiga yetib bordi, deb xabar bermoqda “Dunyo” AA.
G‘ayrat Fozilov 2015–2017 va 2021–2023-yillarda O‘zbekiston tashqi ishlar vazirining o‘rinbosari lavozimida ishlagan. TIV qoshidagi Jahon iqtisodiyoti va diplomatiya universitetini tamomlagan.
1996-yildan buyon TIV tizimida faoliyat yuritib kelmoqda. Diplomatik xizmatini Yevropa davlatlari bilan hamkorlik bo‘yicha boshqarma attashesi sifatida boshlagan. TIV markaziy apparatida, Prezident huzuridagi Milliy xavfsizlik kengashida, shuningdek, O‘zbekistonning Fransiya va Belgiyadagi elchixonalarida, NATO huzuridagi missiyada turli lavozimlarda ishlagan. 2018—2021-yillarda Yaponiyadagi elchi vazifasida faoliyat yuritgan.
Diplomat fransuz va ingliz tilini biladi.
G‘ayrat Fozilov 2017–2023-yillarda Belgiya, Niderlandiya va Lyuksemburgdagi elchi, O‘zbekistonning Yevropa Ittifoqi va NATOdagi (qarorgohi Bryussel shahrida) vakolatxonalari rahbari lavozimlarida ishlagan Dilyor Hakimov o‘rniga tayinlandi.
Izoh (0)