Toshkentda issiq suv va issiqlik ta’minoti uchun yangi tariflar e’lon qilindi

Toshkent shahrida issiqlik ta’minoti xizmatlari uchun yangi narxlar belgilandi.

Xalq deputatlari Toshkent shahar kengashining 8-noyabrdagi qaroriga ko‘ra, issiqlik energiyasi va issiq suv ta’minoti xizmatlari uchun tartibga solinadigan narxlar (tariflar) 1 Gkal energiya uchun 664 465 so‘m etib belgilanishi ma’qullandi (amaldagi tarif 397 212 so‘m/Gkal).

Shuningdek:

• aholi uchun 91 960 so‘m/Gkal (amaldagi tarif 91 960 so‘m/Gkal);
• yuridik shaxslar uchun 212 606 so‘m/Gkal (amaldagi tarif 141 737 so‘m/Gkal);
• budjet tashkilotlari uchun 801 963 so‘m/Gkal (amaldagi tarif 502 067 so‘m/Gkal) etib belgilandi.

Hujjatda qayd etilishicha, bunga Toshkent shahrida issiqlik ta’minoti tizimini tubdan yaxshilash, aholini issiqlik energiyasi bilan uzluksiz va sifatli ta’minlash, shuningdek, issiqlik ta’minoti tizimini boshqarishda samarali va ilg‘or tajribalarni joriy etish maqsadida qaror qilindi.