Futbol bo‘yicha Osiyo Chempionlar Ligasi guruh bosqichi 1-turidan o‘rin olgan o‘yinlar bo‘lib o‘tdi.
18-sentabr kungi bahslarda “Nasaf”, “Navbahor” va “OKMK” musobaqadagi ishtirokini boshladi. Uchala klub bosh murabbiylari o‘yindan so‘ng matbuot anjumanida ishtirok etdi.
Bugun biz Osiyoning eng kuchli jamoalaridan biriga qarshi o‘ynadik. Biz bugungi o‘yinga raqibimiz - “Al-Hilol”dan kelib chiqqan holda taktika tanladik. Albatta, oxirida o‘tkazib yuborilgan gol kayfiyatga ta’sir qiladi. “Al-Hilol”ga qarshi o‘yinda vaqt cho‘zish, bu barcha jamoalar uchun normal holat. Futbolchilarimiz atayin vaqt cho‘zishmadi, jarohatlari va toliqish bunga sabab bo‘ldi. Nima bo‘lgan taqdirda ham keragidan ortiq 14 daqiqa qo‘shib berildi. Hujum qilmadik? Hujum qilishimizni Namanganda ko‘rasizlar.
Samvel Babayan, “Navbahor” bosh murabbiyi
Bugun g‘alabani ko‘zlab maydonga tushgandik, bunga erishdik. Albatta, oson bo‘lmadi. Ikkinchi bo‘limning 20 daqiqasini yomon o‘tkazdik. “Al-Faysaliy” muxlislariga minnatdorchilik bildiraman. Ular o‘z jamoasini oxiriga qadar munosib qo‘llab-quvvatladi.
Ro‘ziqul Berdiyev, “Nasaf” bosh murabbiyi
“Al-Ittihod” jamoasini g‘alaba bilan tabriklaymiz. Kuchli jamoaga mag‘lub bo‘ldik. O‘yinning boshidagi ikkita gol o‘yin taqdirini hal qildi. Kecha “Al-Ittihod”ga qarshi ochiq futbol namoyish etish xato ekanligini ta’kidlagandim. Uchrashuv boshida o‘zimizning xato bilan ikkita gol o‘tkazib yubordik. Bu bahs natijasiga ta’sir qildi. Hayot davom etadi, hozir bir nima deb aytib bo‘lmaydi. Bugungi xatolarni qaysidir bir futbolchining bo‘yniga qo‘yish noto‘g‘ri bo‘ladi.
Mirjalol Qosimov, “OKMK” bosh murabbiyi
Izoh (0)