Twitter logotipi ko‘k qushdan X harfiga o‘zgardi

Twitter mikrobloglar tarmog‘i o‘z logotipini o‘zgartirdi — saytda ko‘k qush o‘rniga oq X harfi tasvirlangan belgi paydo bo‘ldi.

Yangi logotip Twitter sahifasi yangilanganda ko‘rinadi.

Avvalroq Twitter’ning rasmiy akkaunti avataridagi suratni qora fondagi ko‘k qushdan oq fondagi X’ga o‘zgartirgan edi, Twitter egasi Ilon Mask esa o‘z sahifasida kompaniya shtab-kvartirasining yangi logotip proyeksiyasi suratini joylashtirgan.

23-iyul kuni Mask “x.com” domeni foydalanuvchilarni avtomatik ravishda Twitter’ga yo‘naltirishini e’lon qildi.

1-iyun kuni tadbirkor Twitter nomini X deb o‘zgartirish rejalari haqida gapirgandi. Mask kelajakda ijtimoiy tarmoqning funksional imkoniyatlari kengayishi, shu sababli Twitter brendi bunga mos tushmasligini aytgan. Shuningdek, u yangilanadigan platformada eski Twitter’ga qaraganda uzunroq postlar, videolar chop etish, xabarlar almashish va moliyaviy xizmatlardan foydalanish imkoni bo‘lishini ma’lum qilgan.

22-iyun kuni kompaniya logotipida qush o‘rniga X harfli belgi paydo bo‘lishini ma’lum qildi.