Yengil atletikachi Sharifa Davronova Osiyoning eng yaxshi atletikachisi deb topildi.
Yengil atletikaning uch hatlab sakrash yo‘nalishi bo‘yicha yoshlar o‘rtasida Osiyo va Jahon chempioni, Konya—2021 Islom birdamligi o‘yinlari g‘olibi Sharifa Davronova Osiyo yengil atletika assotsiatsiyasi tomonidan “Yilning eng yaxshi yosh yengil atletikachisi” deb topildi. Bugun Osiyo yengil atletika assotsiatsiyasi vitse-prezidenti, O‘zbekiston yengil atletika federatsiyasi raisi o‘rinbosari Andrey Abduvaliyev ushbu sovrinni Davronovaga topshirdi.
Ma’lumot uchun, joriy yil hisobidan Osiyo miqyosida yoshlar o‘rtasida o‘tadigan musobaqalar yakuniga yetdi. Davronova 2023-yil Toshkent mezbonlik qilgan Osiyo chempionatida 13.99 metr natija qayd etgan. Bu yil davomida nafaqat qit’a, balki jahon miqyosida yoshlar toifasidagi eng yuqori ko‘rsatkich bo‘lib turibdi.
Izoh (0)