“Manchester Yunayted” Andre Onana transferi borasida “Inter” bilan kelishuvga erishdi

“Manchester Yunayted” va “Inter” Andre Onana transferi bo‘yicha yakuniy kelishuvga erishdi.

The Athletic nashrining xabariga ko‘ra, transfer narxi 51+4 million yevroni tashkil etadi. Klublar 17-iyul kuni yakuniy kelishuvga erishgan.

Andre mankunianliklarning taklifiga rozi bo‘lgandi va bir yilga uzaytirish huquqi bilan 2028-yilgacha mo‘ljallangan shartnoma borasida kelishuvga ham erishgandi.

Hozircha, Onana tibbiy ko‘rikni qayerda o‘tkazishini noma’lum. Darvozabon yo Manchesterda yoki boshqa bir shaharda tibbiy ko‘rikdan o‘tadi. Undan so‘ng “Manchester Yunayted”ning AQSHdagi turiga qo‘shiladi.

So‘nggi hujjatlar imzolanishi bilan transfer rasman e’lon qilinishi kutilmoqda. 

Eslatib o‘tamiz, “qizil iblislar”ning asosiy darvozaboni David de Xea klubdagi 12 yildan so‘ng uni tark etdi.