Turkmanistonda yaqin kunlarda havo harorati keskin ko‘tarilishi kutilmoqda. Bu haqda “Meteojurnal” xabar berdi.
Ma’lum qilinishicha, ayrim hududlarda havo harorati Selsiy bo‘yicha 45 darajagacha qiziydi. 15-iyun kuni Axal, Lebap va Mari viloyatlarida havo harorati 39-44 darajani, qirg‘oqbo‘yi hududlarida 29-34 darajani, boshqa hududlarda esa 37 va 42 darajani tashkil qilmoqda.
16-iyun kuni Bolqon viloyatining qirg‘oqbo‘yi hududlarida havo harorati 31 darajagacha, Axal va Toshhovuz viloyatida 43 darajagacha, sharq va janubi-sharqda 45 darajagacha va boshqa hududlarda 30, 35 darajagacha ko‘tarilishi kutilmoqda.
17-iyun kuni esa Axal va Toshhovuz viloyatlarida havo harorati 3-5 darajaga pasayadi, lekin sharq va janubi-sharqda issiqlik 40 va 45 atrofida saqlanib qoladi.
