“PSJ” “Manchester Siti” yarim himoyachisi Bernardu Silvani o‘z safiga qo‘shib olmoqchi.
Get French Football News nashrining xabariga ko‘ra, parijliklar Silvani yozgi transfer oynasida xarid qilmoqchi.
Portugaliyalik futbolchi “Inter Mayami”ga o‘tayotgan Lionel Messiga o‘rinbosar sifatida ko‘rilmoqda. Biroq, ushbu transferni amalga oshirish qiyin kechadi. Chunki “Siti” Silvani qo‘yib yubormoqchi emas.
Fransuz klubining rejasiga ko‘ra, Bernardu hujum chizig‘ida Kilian Mbappe va “Napoli”dan xarid qilinishi ko‘zda tutilgan Viktor Osimhen bilan birgalikda harakat qiladi.
Bernardu Silva 2022/23-yilgi mavsum APLda 34 ta o‘yin o‘tkazib, 4 ta gol va 5 ta golli uzatmaga mualliflik qildi.
Izoh (0)