Filmlarda tomoshabinlar yaxshi ko‘radigan roldan aktyorning oddiy charchoq yoki tajriba yetishmasligi tufayli bosh tortishi odatiy hol emas. Bunday hollarda tomoshabinlar aktyorlar almashtirilishidan norozi bo‘lishadi. Ba’zida esa yangi yuzlar xarakterga joziba qo‘shadi va unga boshqa burchakdan qarashga imkon beradi. Millionlab tomoshabinlar e’tirofiga sazovor bo‘lgan “Garri Potter” filmida ham bir obrazni turli aktyorlar ijro etgan holatlar kuzatilgan.
Richard Xarris va Maykl Gembon — Albus Dambldor
“Garri Potter: Hikmatlar toshi” va “Garri Potter: Maxfiy hujra” filmlarida Albus Dambldor rolini aktyor Richard Xarris ijro etgan, u dastlab bu rolni gavdalantirishni istamagan, biroq nevarasi uni filmda suratga tushishga ko‘ndirgan. Agar Richard roldan voz kechsa, nevarasi u bilan gaplashmasligini aytgan. Richard nabirasiga qarshi chiqa olmasligini tushunib yetdi va direktor Kris Kolumbning taklifiga rozi bo‘ldi. Richard Xarris darhol Albus Dambldor obraziga kirishib ketdi, shuningdek, Joan Roulingning asarlari va suratga olish guruhini yaxshi ko‘rib qoldi.
Richardning ta’kidlashicha, “Garri Potter” filmining suratga olish guruhi uning uzoq yillik karyerasidagi eng qadrlisi bo‘lib qolgan. Deniel Redkliff, Emma Uotson va Rupert Grint filmning ikkinchi qismidagi so‘nggi sahnasini suratga olish chog‘ida aktyor bilan yig‘lab, quchoqlashgan. Richard Xarris “Garri Potter: Azkaban maxbusi” filmida ham rol o‘ynamoqchi edi, biroq kutilmaganda kasallik uning ahvolini og‘irlashtirdi.
Aktyorning o‘rniga avvalgi qismlarda Gendalf rolini ijro etgan Yan Makkelen olinishi mumkin edi, biroq bir vaqtlar Richard Xarris Yanning aktyorlik qobiliyatini kamsitgan va shu sababli Makkellen Xarrisga tegishli bo‘lgan rolni ijro etishdan bosh tortgan.
Boshqa bir qancha nomzodlardan so‘ng yakuniy tanlov Maykl Gembon bo‘ldi, u ijro etgan Dambldor obrazi Richard Xarrisning ijrosidan keskin farq qiladi.
Bu qisman Gembonning Joan Roulingning kitoblarini o‘qimaganligi va uni tuzatmoqchi emasligi va faqat ssenariyga tayanishi bilan bog‘liq. Muxlislarga nafaqat yangilangan Albusning xarakteri, balki uning “Garri Potter: Azkaban maxbusi” loyihasidagi ko‘rinishi, ayniqsa, Dambldorni aqldan ozgan sehrgarga o‘xshab ko‘rsatgan juda uzun tirnoqlari va beparvo soch turmagi yoqmadi.
Jennifer Smit va Jessi Keyv — Lavanda Braun
Filmning birinchi qismida Lavanda Braun rolini qora tanli aktrisa Ketlin Koli ijro etgan. “Garri Potter: Azkaban maxbusi” filmida uning o‘rnini Jennifer Smit egalladi. Lavanda “Yarim qonli shahzoda” loyihasida ikkinchi darajali qahramonga aylanganda, Jessi Keyv uning rolini o‘z zimmasiga oldi. Lavanda avval tilga olinmagani va har doim fonda yoki ko‘pchilikning orasida bo‘lgani uchun bu roldagi aktrisaning almashtirilganini eng e’tiborli muxlislardan tashqari hech kim payqamadi. Filmning ikkinchi qismida Lavanda Fenrir qo‘lida halok bo‘ladi, biroq asarda u tirik qoladi. Bu obraz kitobda ham, filmda ham maktabni himoya qilishdan qo‘rqmaydigan juda jasur qiz sifatida taqdim etildi.
Jenevyev Gont va Skarlett Hefner — Pensi Parkinson
Pensi Parkinson — bu filmlar davomida Drako Malfoy bilan birga paydo bo‘ladigan va “Garri Potter: Azkaban maxbusi” kinosidagi mahoratli aktrisa Jenevyev Gont tomonidan ijro etilgan obraz. Joan Rouling Pensini barcha qizlarning o‘smirlik davridagi qo‘rqinchli qiyofasi asosida yaratdi. Film qismlarida u “Tutib oling” deb baqirishi va Garri Potterning do‘stlariga qarshi chiqishi kerak edi. Jenevyev Gont Parkinson rolini faqat “Garri Potter: Azkaban maxbusi” filmida ijro etgan, Skarlett Xefner esa keyingi barcha filmlarda bu obrazni o‘ynagan.
Richard Bremmer va Reyf Fayns – Voldemort
Filmda Voldemortning yoshligini Kristian Koulson, Frenk Dilleyn va Xiro-Fayns Tiffin ijro etgan. Katta Voldemort obrazini Richard Bremmer va Reyf Fayns gavdalantirgan. Richard bu qahramon boshining orqa tomonidagi yuzi sifatida paydo bo‘ldi, biroq “Hikmatlar toshi”da Voldemortga Richard emas, Teo Kipri ovoz berdi. “Alanga kubogi” filmidan keyin Richard Xarris “Garri Potter” aktyorlari tarkibiga qo‘shilishni istamagan, lekin singlisining bosimi ostida qolgan Ralf Fayns ushbu obrazni gavdalantirgan.
Derek Didman va Jim Tavare — barmen Tom
Barmen Tom Xogvartsda o‘qigan va 1938-yilgacha barmen bo‘lib ishlagan. Filmlar va kitoblardagi voqealardan keyin Tomning taqdiri qanday kechgani noma’lum, chunki uning ish joyini Tomning rafiqasi Xanna Ebott boshqargan. Tom nafaqaga chiqqan yoki vafot etgan. Filmning birinchi qismida Tom rolini Derek Didman, “Garri Potter: Azkaban maxbusi”da bu obrazni Jim Tavare o‘ynagan.
