Statistika agentligi O‘zbekiston viloyatlari markaziy hududlari kesimida 2023-yilning may oyida tayyor palovning o‘rtacha narxlariga oid ma’lumotlarni e’lon qildi.
Ma’lum qilinishicha, eng qimmat palov Toshkent shahrida sotilgan bo‘lib, bir portsiyasi 27 900 so‘m bo‘lgan. Eng arzon osh esa Farg‘ona viloyatida — bir portsiyasi 19 200 so‘mdan sotilgan. Ushbu viloyatda aprel oyida ham palov boshqa hududlarga nisbatan eng arzon narxda sotilgandi.
Statistika agentligi tomonidan hududlardagi osh markazlarida sotilayotgan palovning o‘rtacha narxlari (2023-yil may oyi uchun):
1 portsiya oshning o‘rtacha narxi:
- Qoraqalpog‘iston Respublikasi – 20 800 so‘m;
- Andijon viloyati – 22 200 so‘m;
- Buxoro viloyati – 24 000 so‘m;
- Jizzax viloyati –23 000 so‘m;
- Qashqadaryo viloyati – 23 800 so‘m;
- Navoiy viloyati – 20 400 so‘m;
- Namangan viloyati – 19 800 so‘m;
- Samarqand viloyati – 24 800 so‘m;
- Surxondaryo viloyati – 23 800 so‘m;
- Sirdaryo viloyati – 22 800 so‘m;
- Toshkent viloyati – 21 800 so‘m;
- Farg‘ona viloyati – 19 200 so‘m;
- Xorazm viloyati – 22 400 so‘m.
Agentlik ma’lumotida keltirilishicha, narxlarni ro‘yxatga oluvchi tomonidan kuzatuv o‘tkazilgan kun va vaqtdagi narx-navo qayd etilib, bunda vaqt va joyiga qarab narxlar o‘zgarib turadi. Mazkur ma’lumotlarning shakllanish jarayonida faqatgina tanlab olingan umumiy ovqatlanish muassasalari (osh markazlari)dagi palovning o‘rtacha narxlari hisobga olingan.
O‘zbekistonda eng ommaviy taom — osh narxlari to‘g‘risidagi ma’lumotlarni shakllantiruvchi “Palov indeksi” 2020-yilning yanvaridan joriy etilgan. Ushbu ma’lumotlarni shakllantirishda respublikaning barcha hududlarida 1 kilogramm palov tayyorlash uchun sarflanadigan masalliqlar miqdori o‘rganib chiqiladi. Shunga ko‘ra, umumiy ovqatlanish muassasalarida bir portsiya palovning o‘rtacha narxi belgilanadi.
Izoh (0)