Bugun,

  • USD 11095.31
  • RUB 173.84
  • EUR 10772.44

Jahon sog‘liqni saqlash assambleyasining 76-sessiyasi ishida ishtirok etish uchun tashrif bilan Jenevaga borgan sog‘liqni saqlash vaziri Amrillo Inoyatov boshchiligidagi O‘zbekiston delegatsiya vakillari tashqi iqtisodiy aloqalar va tashqi ishlar vaziri Peter Siyyarto boshchiligidagi Vengriya delegatsiya bilan uchrashuv o‘tkazdi.

Bo‘lib  o‘tgan samarali muloqot  davomida Vengriya tomoni bilan bir qator kelishuvlarga erishildi, ikki davlat sog‘liqni saqlash sohasi uchun o‘zaro manfaatli takliflar ilgari surildi. Vengriya sog‘liqni saqlash tizimi vengriyalik mutaxassislarining murakkab kasalliklarni davolashda erishgan yutuqlari, shuningdek, mamlakat klinikalarining zamonaviy diagnostika uskunalari bilan jihozlangani tufayli Yevropa Ittifoqidagi eng yaxshi tizim hisoblanadi.

Har bir insonning sifatli tibbiy xizmatdan foydalanishi uchun zarur shart-sharoitlarni yaratish bilan birga, yanada samarali sog‘liqni saqlash tizimini yaratish har ikki davlat uchun tibbiyot sohasida ustuvor vazifa ekanligi ta’kidlandi. Mamlakatlar tibbiyot kadrlarini tayyorlash, tajriba va texnologiyalar almashish, yangi turdagi dori vositalari hamda  tibbiy asbob-uskunalarni birgalikda ishlab chiqish kabi sohalarda hamkorlik qilish uchun katta imkoniyatlarga ega.

Shu nuqtayi nazardan, tomonlar O‘zbekistonda farmasevtika va tibbiyot yo‘nalishlarini o‘z ichiga olgan Debresen universiteti filialini ochish xususida fikr almashdi. Shuningdek, Vengriya farmasevtika kompaniyalari ishtirokida O‘zbekistonda dori vositalari ishlab chiqarish masalalari ko‘rib chiqildi. Uchrashuv yakunida Budapeshtda O‘zbekiston—Vengriya tibbiyot forumini o‘tkazish bo‘yicha kelishuvga erishildi.

Izoh
Asosiy yangiliklar
Dunyo
Isroil—Misr chegarasidagi otishma, qabrlarga qadalgan bayroqlar, Rally Muynak’da yonib ketgan avtomobil — hafta suratlari
Dunyo
Rajab Toyyib Erdo‘g‘on parlamentda qasamyod qilib, Turkiya prezidenti lavozimiga kirishdi
Dunyo
Prigojin Rossiya Mudofaa vazirligi “Vagner”chilarning Baxmutdan chiqish yo‘lini minalab tashlaganini aytdi