Jahon sog‘liqni saqlash tashkiloti (JSST) Yevropada xavfli virus tashuvchi chivinlarning yangi turi paydo bo‘lganidan ogohlantirdi. Bu haqda tashkilot saytida xabar berildi.
JSST ma’lumotlariga ko‘ra, denge isitmasi, Zika isitmasi va chikungunya kabi virusli kasalliklar tashuvchisi bo‘lgan Aedes chivinlari turi janubiy Yevropada tobora ko‘proq tarqalmoqda. Bahor va yoz oylarida Yevropa mamlakatlarida qayd etilgan yuqori harorat mintaqada chivin ko‘payishiga ta’sir qiladi.
Tashkilot Ispaniya, Fransiya, Italiya, Gretsiya yoki Xorvatiya aholisi xavf ostida ekanidan ogohlantirmoqda. Mutaxassislar tunda xavfli bo‘lgan bezgak tashuvchi chivinlardan farqli o‘laroq, Aedes chivinlari kunduzi odamlarni chaqishini aytdi.
“Bu chivinlar bir kunda bir nechta odamga hujum qilishi mumkinligi sababli, aholi zichligi yuqori bo‘lgan hududlarda epidemiyalarning paydo bo‘lishiga sabab bo‘ladi”, — deya ta’kidladi ekspertlar.
Bugungi kunga kelib, chivinlar tashiydigan viruslarga qarshi vaksina mavjud emas. Shunga qaramay, JSST ekspertlari, agar tadqiqotlar kuchaytirilsa, bunday vaksinalarni ishlab chiqarish mumkin, deb hisoblaydi.
Izoh (0)