“Mumiyo” filmi ekranlarga chiqqaniga 24 yil bo‘ldi. Kino trilogiyasidagi aktyor va aktrisalar qariyb chorak asrdan keyin qanday o‘zgargani, hozir nima bilan shug‘ullanayotgani bilan qiziqdik.
Reychel Vays
“Mumiyo” franshizasi tufayli Reychel Vays 29 yoshida olamshumul shuhrat qozondi. U kutubxonachi va Rikning kelajakdagi sevgisi Evelin Karnaxanni o‘ynadi. O‘shandan beri uning aktrisa sifatidagi karyerasi yuqoriladi. “Ma’shuqa” tarixiy filmidagi so‘nggi rollaridan biri uchun Reychel BAFTA mukofotiga sazovor bo‘ldi. Shuningdek, 49 yoshida u Marvel superqahramoni haqidagi “Qora beva” filmida ayg‘oqchi rolini o‘ynadi.
Brendan Freyzer
Film trilogiyasidagi Rik O‘Konnell roli Brendan Freyzerga dunyo miqyosida shuhrat keltirdi. Aktyor jangari va komediyalardan tashqari, tanqidchilar tomonidan ijobiy qabul qilingan filmlarda dramatik rollarni o‘ynashga intilgan. 2000-yillarning oxiridan 2010-yillarning o‘rtalarigacha Brendanning sog‘lig‘i bilan bog‘liq muammolar bor edi, bu esa uning aktyorlik faoliyatini to‘liq davom ettirishiga to‘sqinlik qildi. Ammo yaqinda aktyor katta ekranga qaytdi va o‘zining birinchi “Oskar”ini oldi.
Arnold Voslu
37 yoshida Arnold Voslu sevgi uchun har qanday qurbonlikka tayyor, yorqin antagonist Imxotep sifatida ekranda paydo bo‘ldi. Aktyor ko‘pincha yovuz odamlarni o‘ynagan videoo‘yin qahramonining prototipi edi. U o‘z vatani — Janubiy Afrikada ham mashhur. U yerda “Qonli olmos” va “Silvertondagi qamal” kabi filmlarda suratga tushgan. Oxirgi filmi 2022-yilda, Arnold 60 yoshga to‘lganida chiqdi.
Jon Xanna
Jon Xanna Evelinning beparvo ukasi Jonatan Karnaxan rolini ijro etadi. Aktyor ko‘pincha film va teleko‘rsatuvlarda ikkinchi darajali rollarni o‘ynaydi. U yaqinda “Birimiz” filmida epidemiolog sifatida paydo bo‘ldi.
Kevin O‘Konnor
Kevin O‘Konnor Imxotepning qo‘rqoq yordamchisi Benni Gabor rolini o‘ynagan. Aktyorga shon-shuhratni “Xayollar hukmdori”, “Van Xelsing” filmlaridagi rollar ham olib keldi. U rejissorlar Stiven Sommers va Pol Tomas Andersonning sevimlisi bo‘lib, ular Kevinni o‘z filmlariga tez-tez taklif qilishadi.
Dueyn Jonson
Qoya laqabli sobiq kurashchi “Mumiyo qaytmoqda” film trilogiyasining 2-qismida Chayonlar qiroli rolini o‘ynaydi. “Chayonlar qiroli” prikvelida u birinchi bosh roli uchun rekord darajada yuqori gonorar olgan. Hozir Dueyn Jonson dunyodagi eng ko‘p gonorar oluvchi aktyorlardan biri hisoblanadi.
Jonatan Xayd
Jonatan Xaydni “Titanik” va “Jumanji” filmlaridagi rollaridan ham eslashingiz mumkin. So‘nggi paytlarda aktyor animatsion filmlarga ovoz bermoqda.
Erik Avari
Asli kelib chiqishi hind bo‘lgan aktyor Erik Avari ko‘plab rollar o‘ynagan, jumladan, “Yulduzli darvoza”, “Kallakesar”, “Maymunlar sayyorasi” filmlarida. Har doim ekzotik ko‘rinishi bilan u 24 dan ortiq millat qahramonlarini ekranda jonlantirgan.
Izoh (0)