Namanganda fuqarolardan qarz evaziga asossiz foiz talab qilib, ularning mulklarini o‘zlashtirgan erkak qo‘lga olindi 

Namangan viloyatida fuqarolardan qarz evaziga asossiz foiz talab qilib, ularning mulklarini o‘zlashtirib kelgan erkak qo‘lga olindi. Bu haqda viloyat Ichki ishlar boshqarmasi axborot xizmati xabar berdi. 

Xabarga ko‘ra, viloyat Ichki ishlar boshqarmasi tomonidan fuqarolarga berilgan qarz evaziga asossiz ravishda foiz talab qilib, ularga tegishli mulklarni tovlamachilik yo‘li bilan noqonuniy ravishda o‘zlashtirib kelgan Ubaydullayev Jobirxon Xamidullayevichga nisbatan jinoyat ishi qo‘zg‘atilib, qamoqqa olish tarzida ehtiyot chorasi qo‘llanildi. 

Mazkur shaxsdan jabrlangan fuqarolar boshqarma tomonidan taqdim etilgan telefon raqamlariga murojaat qilishi so‘ralgan. Bu haqda xabar bergan fuqarolarning shaxsi sir saqlanishi qayd etilgan.