Toshkent hayvonot bog‘iga kirish chiptalari uchun narxlar 1-apreldan oshiriladi. Bu haqda hayvonot bog‘i ma’muriyati ma’lum qildi.
Qayd etilishicha, Toshkent hayvonot bog‘i o‘z jonivorlarining farovonligi haqida tinimsiz qayg‘uradi, ularga g‘amxo‘rlik qilish, parvarishlash va davolashga zarur bo‘lgan mablag‘larni hech qachon ayamaydi. Oshib borayotgan narxlar sabab bularning barchasi katta xarajatlarni talab qiladi.
“Shu sabab biz uzoq o‘ylanishlardan so‘ng kirish chiptalari narxini biroz ko‘tarishga qaror qildik. Bu qaror, shuningdek, jonivorlar ozuqasi narxining oshishi bilan ham bog‘liq. Tushunishingizga umid qilamiz va sizni mo‘jaz hayvonot bog‘imizda kutib qolamiz”, — deyiladi xabarda.
1-apreldan amalda bo‘ladigan narxlarga muvofiq, 16 yoshdan kattalar uchun hayvonot bog‘iga kirish chiptasi 35 ming so‘mdan sotiladi, 7 yoshdan kichik bo‘lgan bolalar uchun esa bepul.
Izoh (0)