Bugun,

  • USD 11095.31
  • RUB 173.84
  • EUR 10772.44

Ukraina prezidenti Vladimir Zelenskiy va Xitoy rahbari Si Szinpin o‘rtasidagi suhbat bekor qilinmadi, biroq uni tashkillashtirishga Xitoyning urush bo‘yicha pozitsiyasi to‘sqinlik qilmoqda. Bu haqda Ukraina prezident ofisi rahbarining maslahatchisi Mixail Podolyak ma’lum qildi.

Foto: Ukraina prezidenti ofisi

“Bu juda qiyin. Xitoy hali o‘zining yangi siyosiy o‘rnini topa olmagani masalasi bor. Ya’ni, u Rossiya va Ukraina o‘rtasidagi kelishuv masalasini o‘z zimmasiga olmoqchimi yoki ehtiyotkorlik bilan chetga chiqadimi? Tushunishimcha, Xitoy hali buni o‘zi uchun hal qilmagan”, — dedi Podolyak.

Maslahatchining aytishicha, Zelenskiy bugungi kunda Ukrainadagi jangovar harakatlarning “noto‘g‘ri yakunlanishi oqibatlarini, hatto betaraf pozitsiyadagi davlatlar uchun ham tushuntira oladigan” yagona shaxs.

Wall Street Journal mart oyi boshida Xitoy rahbari Rossiyaga tashrifidan keyin Zelenskiy bilan gaplashishni rejalashtirayotgani haqida yozgan edi. Si 22-mart kuni Moskvaga uch kunlik tashrifini yakunladi, biroq Kiyev suhbat o‘tkazilishi haqida Pekindan haligacha tasdiq olmadi. “Ularning bir-biriga aytadigan gaplari bor”, — deb ta’kidladi Ukraina bosh vazir o‘rinbosari Irina Vereshuk.

AQSH rasmiylari Ukraina va Xitoy rahbarlarining ehtimoliy aloqalarini qo‘llab-quvvatlab, “Xitoy va Si Szinpinning o‘zi faqat Rossiya nuqtayi nazarini emas, balki bevosita Ukraina nuqtayi nazarini eshitishi kerak”, — deb ta’kidladi. “Biz Si ​​Szinpinning Zelenskiy bilan to‘g‘ridan to‘g‘ri aloqaga chiqishiga umid qilamiz”, — dedi Amerika prezidentining milliy xavfsizlik bo‘yicha maslahatchisi Jeyk Sallivan.

Mavzuga doir
Izoh
Asosiy yangiliklar
Dunyo
“Yolg‘onlar imperiyasi” va rus terrorining boshlanishi. 10 marotaba suiqasdga uchragan imperator — Aleksandr II ning muvaffaqiyatsiz islohotlari
Mahalliy
Toshkentning 4 ta tumanida elektr energiyasi ta’minoti vaqtincha to‘xtatildi
Dunyo
Trampga yana bir jinoiy ishda ayblov e’lon qilindi