Andijondagi 179 ta masjidda tarovih namozlarida xatmi Qurʼonlar o‘qilmoqda (foto, video)
Andijondagi 179 ta masjidda tarovih namozlarida xatmi Qurʼonlar o‘qilmoqda.
21-mart kuni O‘zbekiston musulmonlari idorasi Ulamolari kengashi tomonidan Islom dini manbalari va astronomik maʼlumotlarga tayangan holda 2023-yilda Ramazon oyining birinchi kuni 23-martdan kirib kelishi haqida xulosa qilingani maʼlum qildi. Mamlakat bo‘ylab 22-mart kuni kechasi masjidlarda tarovih namozi o‘qish boshlandi.
“Daryo” muxbiri Umidjon Mamarasulovning Musulmonlar idorasi Andijon viloyatidagi vakilligiga tayanib xabar berishicha, viloyatdagi 179 ta masjidda xatmi Qurʼon o‘qilishi belgilangan.
Viloyat bosh imom-xatibi Mirzamaqsud Alimovning aytishicha, barcha masjidlarda bir xil sahifalarda 27 kun davomida xatmi Qurʼon o‘qiladi. Jome masjidlarga yig‘ilgan ming-minglab namozxonlar hofiz qorilarning chiroyli sovt va xushovozlik bilan o‘qigan qiroatlaridan bahramand bo‘ladilar. Xatmi Qurʼon so‘nggida barcha masjidlarda bir xil vaqtda jamoat bo‘lib duolar qilish belgilangan.
Umidjon Mamarasulov
-
Shavkat Mirziyoyev imomlarga Ramazon oyida kam ta’minlanganlarga iftorlik qilib berishni tavsiya qildi
13 mart, 17:07 -
O‘zbekistonda Ramazon oyi 23-martdan boshlanadi
21 mart, 22:29 -
Toshkentda taroveh namozi o‘qiladigan masjidlar atrofida mashinalar harakati cheklanadi
22 mart, 16:15 -
O‘zbekiston musulmonlari idorasi ramazon taqvimini e’lon qildi
22 mart, 18:30
