Buyuk Britaniya Qirollik havo kuchlari va Germaniya qiruvchi samolyotlari Estoniya havo hududida Rossiya samolyotini birinchi qo‘shma operatsiyada tutib oldi. Bu haqda BBC xabar berdi.
14-mart kuni Sankt-Peterburg va Kaliningrad o‘rtasida parvoz qilayotgan Il-78 “Midas” samolyotini tutish uchun ikkita “Tayfun” samolyoti ko‘tarildi. Rossiya samolyoti Estoniya havo harakatini boshqarish xizmatini ogohlantirmagani qayd etilgan. Ayni paytda Britaniya va Germaniya harbiy-havo kuchlari NATO havo kengliklarida rejali hamkorlikda xavfsizlikni ta’minlamoqda.
“Samolyotni tutish odatiy hol edi, biroq bunday operatsiya ikki davlat tomonidan birinchi marta birgalikda amalga oshirildi”, — deyiladi xabarda.
Voqea Rossiyaning Ukrainaga bostirib kirishi munosabati bilan NATO va Rossiya o‘rtasida keskinlik kuchaygan bir paytda sodir bo‘ldi. Buning 14-mart kuni Qora dengiz uzra Rossiya qiruvchi samolyoti va AQSH droni to‘qnashgani haqidagi xabarga hech qanday aloqasi yo‘qligi aytilmoqda.
Rossiyaning “Midas” samolyotidan so‘ng ikkita samolyot Estoniya havo hududiga yaqin masofada uchayotgan An-148 laynerini tutib olish uchun yo‘naltirilgan.
Eslatib o‘tamiz, 14-mart kuni Qora dengiz osmonida Rossiya samolyotlari AQSH dronini urib tushirgani haqida xabar berildi. Rossiya Mudofaa vazirligi esa bu ma’lumotni rad etgan va holat bo‘yicha bayonot bergan. AQSH Departamenti esa holat yuzasidan Rossiya bilan muzokara olib borish kerakligini bildirgan. AQSH Qora dengizga qulagan droni “begona qo‘llarga tushmasligi” uchun zarur choralar ko‘rgan.
Izoh (0)