Toshkent shahridagi maktablardan birida o‘quvchini kaltaklagan o‘qituvchi javobgarlikka tortildi. Bu haqda “Milliy” telekanalining “Millar” dasturida ma’lum qilindi.
Sinf xonasiga o‘rnatilgan kuzatuv kamerasidan olingan tasvirlarda o‘qituvchi 8-sinf o‘quvchiga qo‘l ko‘targani, bola o‘rnidan turgan vaqtida o‘qituvchi uni itarib, xonadan chiqarib yuborganini ko‘rish mumkin.
Qayd etilishicha, holat 2-mart kuni biologiya darsida sodir bo‘lgan. O‘qituvchi dars boshlamoqchi bo‘lganida, o‘quvchi telefoni bilan yonidagi sinfdoshlarini rasmga olishni boshlagan. Pedagog bolani ogohlantirishiga qaramay, o‘quvchi uning aytganini qilmagan. Shundan keyin u borib, bolaning telefonini olib qo‘ygan va darsini davom ettirmoqchi bo‘lgan. Bola esa o‘qituvchini yomon so‘zlar bilan haqorat qilgani sabab ayol unga qo‘l ko‘tarishga majbur bo‘lgan.
Jinoyat ishlari bo‘yicha Yashnobod tuman sudining qarori bilan Maʼmuriy javobgarlik to‘g‘risidagi kodeksning 183-moddasida (Mayda bezorilik) nazarda tutilgan huquqbuzarlikni sodir etgan o‘qituvchi ayolga BHMning uch baravari miqdorida (900 ming) jarima jazosi tayinlangan.
Izoh (0)