Rossiyada OMON xodimiga o'q uzgan o'zbekistonlik erkak aslida maqsadi nima bo'lganini aytdi

Rossiyaning Sankt-Peterburg shahrida 24-fevral kuni OMON xodimiga ikki marta o'q uzganerkak aslida maqsadi nima bo'lganini aytdi. Bu haqda erkakning so'roviga tayanib, 78.ru xabar berdi.

“Men hamma qurollarni o'zim bilan olib keldim. Ro'yxatdan o'tgan va yashayotgan joyimda hech narsa yo'q. Foydalangan barcha qurollarim ro'yxatdan o'tgan. Yuk tashuvchi bo'lib ishlaganman", - dedi erkak. 

U hech narsani isbotlamoqchi emasligini qayd etdi va politsiyachini otish niyati bo'lmaganini qo'shimcha qildi.

“Ularning mashinasiga qarata o'q uzmoqchi bo'ldim va politsiya transportiga Molotov kokteyli uloqtirmoqchi edim”, - deydi ayblanuvchi.

Uning aytishicha, o‘zining harakatlariga Rossiyaning Ukrainaga qarshi bosqinining bir yilligi sabab bo'lmagan. Erkak “normal bo'lmagan hayotidan” norozilik bildirishni ko'zlagan.

Eslatib o'tamiz, 24-fevral kuni ertalab 50 yosh o'zbekistonlik erkak OMON xodimini yaraladi. Jabrlanuvchining hamkasblar erkakni qo'lga oldi. O'q tekkan OMON xodimi esa zudlik bilan Mariinskiy kasalxonasiga yotqizildi va operatsiya qilindi. Hozirda erkakning ahvoli og'ir, ammo barqaror deb baholanmoqda. Holat yuzasidan jinoyat ishi qo'zg'atilgan, erkak 20 yilga qamalishi mumkin.