Qashshoq oilada tug‘ilgan bo‘lsa ham, hayotda o‘z o‘rniga ega bo‘lishni uddalagan Gollivud yulduzlari (foto)

Ba’zi mashhurlarning taqdiri o‘z iste’dodi, qat’iyati va jasorati tufayli yengib o‘tilgan to‘siqlarga o‘xshaydi. Kimdir qashshoqlikda yoki yomon hududda yashagan, kimdir haqoratlangan — hayot bu odamlarga qulay boshlang‘ich sharoitlarni bermagan. Ammo hamma narsaga qaramay, bu yulduzlar hozirda hammadan yorqinroq porlaydi.

Opra Uinfri

Teleboshlovchining tarjimayi holini ishonch bilan “yulduzlikka tikanlar orqali” deb atash mumkin. Uning oilasi shunchalik kambag‘al ediki, u bolaligida kartoshka qoplarini ko‘tarib yurardi. Ota-onasi yosh turmush quradi va ajrashadi. Opra 6 yoshiga qadar buvisi qo‘lida tarbiyalangan. Keyin buvisining kasalligi tufayli qiz onasinikiga ko‘chib o‘tadi.

Opra yoshligida homilador bo‘lib qoladi. Qizining homiladorligidan xabar topgan onasi uni otasining oldiga yuboradi, chunki oilada ikki kishiga joy yo‘q edi. Afsuski, bola 2 hafta ham yashamaydi. Uinfri uchun burilish nuqtasi notiqlik tanlovida g‘olib bo‘lgan va 4 yillik kollej stipendiyasini olganida sodir bo‘ladi. U kasbiga e’tibor qaratib, o‘z baxtining yaratuvchisiga aylanadi.

Leonardo Di Kaprio

Mashhur aktyor ham kambag‘al oilada o‘sgan. Uning ota-onasi bolaligida ajrashgan. Leoni onasi tarbiyalagan, ammo otasi bilan ham yaxshi munosabatda bo‘lgan. Di Kaprio notinch hududda o‘sgan, shafqatsizlik va jinoyatning guvohi bo‘lgan. Kelajakda, uning o‘zi aytganidek, bu unga Gollivud hayotining vasvasalariga berilmaslikka yordam beradi.

Leoning ota-onasi ijodkor odamlar edi, bu esa yigitni aktyorlik kasbiga undaydi. U tez-tez onasidan maktabga bormaslik uchun uni kastinglarga olib borishini so‘rardi. Va bu natija beradi, u kichik rollarni o‘ynashni boshlaydi.

Samuel L. Jekson

Jeksonni onasi tomonidan qarindoshlari tarbiyalagan. Uning onasi ish uchun boshqa shaharga ko‘chib o‘tadi, lekin muntazam ravishda o‘g‘lining oldiga kelib turadi. Samuel hali go‘dakligidayoq otasi ularni tashlab ketgandi.

Unga aktyorning xolasi katta ta’sir ko‘rsatgan. U boshlang‘ich sinf o‘qituvchisi bo‘lib, uni o‘zi bilan maktabga olib boradi. Uning yordami bilan Samuel 2 yoshida o‘qishni boshlaydi, ammo maktabdagi bolalardan oldinda bo‘lgani uchun tez-tez muammoga duch keladi. Bundan tashqari, uning xolasi uni maktab spektakllarida o‘ynashni taklif qilib, aktyorlikka undaydi.

Sara Jessika Parker

Bo‘lajak yulduz yosh yozuvchi va bog‘cha tarbiyachisi oilasida tug‘ilgan. Ota-onasi qizi 3 yoshida ajrashishadi. Ko‘p o‘tmay, onasi boshqa turmushga chiqadi va Sara qolgan 7 farzand bilan birga o‘sadi. Sara dada deb atagan o‘gay otasi ko‘pincha ishsiz qolardi, shuning uchun katta oila pul yetishmasligidan qiyin paytlarni boshdan kechiradi.

Tug‘ilgan kunlar va boshqa bayramlar har doim ham nishonlanmasdi, Sara maktabga eski-tuski kiyimda borardi. Oila kun kechirish uchun nafaqaga tayanishi kerak edi. Qashshoqlikka qaramay, onasi bolalarining madaniyatga qiziqishini doimo qo‘llab-quvvatlaydi, ularni teatrlardagi bepul namoyishlarga olib boradi. Aynan o‘sha paytda Sarada aktrisalik va san’atga muhabbat paydo bo‘ladi.

Mark Uolberg

Zamonamizning eng ko‘p maosh oladigan Gollivud aktyorlaridan biri muammoli o‘smir bo‘lib, kambag‘al oilada o‘sgan. U 5 aka-uka bilan bir xonada yashagan, 9 farzandning eng kichigi edi. Otasi ish tufayli uyda deyarli bo‘lmasdi.

Uolberg jinoyatchilik yuqori bo‘lgan muhitda o‘sgan, uning oilasi uchun bu odatiy hol edi. Bunday muhit ta’siri tufayli Mark yoshligida 2 yil qamoqda o‘tiradi. U yerda u hayotini qayta ko‘rib chiqadi, xip-xopdagi karyerasini boshlaydi (juda muvaffaqiyatli emas) va oxir-oqibat aktyor bo‘lishga qaror qiladi.

Joan Rouling

Rouling o‘zining o‘smirlik yillarini “qo‘rqinchli davr” deb ta’riflaydi. Qiz 15 yoshga to‘lganda, onasi og‘ir kasal bo‘lib qoladi. Tilshunos sifatida tahsil olgan Joan tarjimon boʻlib ishlagan, lekin boʻsh vaqtlarida yozishni yoqtirardi.

Yozuvchi turmushga chiqadi, lekin qizi tug‘ilgandan ko‘p o‘tmay, er-xotin ajrashishadi. Joan chaqalog‘i bilan birgina nafaqaga qarab qoladi. Shundan so‘ng chaqalog‘ini kafega olib boradi va uxlab yotganida yosh sehrgar haqida roman yozadi. Rouling bu haqda shunday deydi: “Agar men juda kambag‘al bo‘lmaganimda, bu kitobni yozmagan bo‘lardim”.

Eminem

Eminem ham qiyin bolalikni o‘tkazadi, u qashshoqlikda yashaydi. Sinfdoshlari uni masxara qilishgani uchun tez-tez maktabini o‘zgartiradi. Keyin ijodkorlik uning maqsadiga aylanadi.

14 yoshida Marshall (bu qo‘shiqchining haqiqiy ismi) klublarda rep kuylashni boshlaydi. Ko‘p dars qoldirishlar tufayli yosh repper 3-marta 9-sinfda qoladi. Keyin u maktabni tashlab, musiqaga e’tibor qaratadi, mahalliy xip-xop sahnasida nom chiqaradi va keyinchalik uning prodyuseri bo‘lgan mashhur doktor Drening e’tiborini tortadi.

Selena Gomes

Bo‘lajak estrada yulduzining ota-onasi qiz 5 yoshligida ajrashishadi. Selenani onasi tarbiyalagan. U teatr aktrisasi edi va barcha qiyinchiliklarga qaramay, kichkina Selenani ilhomlantiradi. Gomes aktrisalik faoliyatini erta yoshda boshlagan.

Shon-shuhrat cho‘qqisida Gomes sog‘lig‘ida jiddiy muammolarga duch keldi. 2014-yilda u teri sili tashxisi bilan kasalxonaga yotqiziladi. Selena yolg‘on mish-mishlar tarqalishining oldini olish uchun hayoti va muammolari haqida doim ochiq gapiradi.

Stiven King

Kingning otasi changyutkich sotuvchisi bo‘lib, Stiven 2 yoshida to‘satdan oilani tark etadi. 2 farzandli yolg‘iz ona ko‘chib yurishga majbur bo‘ladi. U bir vaqtning o‘zida 2-3 joyda ishlaydi, ba’zan bolalarini haftalab, hatto oylab qarindoshlariga qoldirib ketadi.

Universitet kutubxonasida yarim kunlik ishda ishlayotgan King o‘zining bo‘lajak rafiqasi Tabita bilan tanishadi. Rafiqasi shunday deb eslaydi: “U mening xotiramdagi eng kambag‘al talaba edi. Poyabzal olishga imkoni bo‘lmagani uchun kalish kiyardi”. To‘ydan keyin er-xotin yuk mashinasida yashashadi. King dahshatli filmlar qiroli bo‘lgunga qadar kun kechirish uchun yonilg‘i quyish shoxobchasida va kir yuvish xizmatida ishlagan.