Turkiyada bir soat ichida yana ikkita zilzila sodir bo‘ldi (video)

Turkiyaning markaziy qismida Toshkent vaqti bilan 15:24 da yangi zilzila qayd etildi. Navbatdagi silkinishlar magnitudasi 7,8 ni tashkil qilmoqda. Yerosti silkinishlari poytaxt Anqarada ham sezildi. Yangi zilzilani Suriyada, xususan, Damashq va Latakiyada, shuningdek, Livanning Bayrut shahrida sezishgan.

Bir muddat o‘tib Yevropa-O‘rta Yer dengizi seysmologiya markazi Turkiyaning Qahramanmarash shahridan 77 km uzoqlikda 5,9 magnitudali yana bir zilzila sodir bo‘lgani haqida xabar berdi.

Shu tariqa Turkiyada bir sutkada uch marta zilzila qayd etildi. Birinchisi 6-fevral kuni tongda yuz bergandi, uning kuchi Suriyaning qator hududlariga ta’sir qildi. Oqibatida ikki mamlakatda 1200 dan ortiq odam halok bo‘lgan, yaradorlar soni 6 ming kishidan oshgan.