Janubiy Koreyaning janubi-g‘arbiy sohillarida baliqchilar kemasi ag‘darilib ketdi, to‘qqiz kishi bedarak yo‘qoldi, deb xabar bermoqda Yonhap axborot agentligi Qirg‘oq qo‘riqlash xizmatiga tayanib.
Ta’kidlanishicha, 24 tonnalik kema Debichi orolidan 16,6 km g‘arbda ag‘darilib ketgan. Ekipajning uch a’zosi shu atrofdan o‘tayotgan kema tomonidan qutqarilgan.
Qirg‘oq qo‘riqlash xizmati halokat joyida bedarak yo‘qolgan to‘qqiz kishini qidirmoqda. Taxminlarga ko‘ra, ular kema ichida qolgan.
Janubiy Koreya prezidenti Yun Suk Yol baliqchilarni qutqarish uchun barcha sa’y-harakatlarni ishga solishga chaqirdi. Shuningdek, qidiruv hududini kengaytirish bo‘yicha ko‘rsatma berdi.
Izoh (0)