Rossiya futbol uyushmasi tartib-intizom qo‘mitasi “Zenit” va “Spartak” o‘yinidan so‘ng ommaviy mushtlashuvda ishtirok etgan futbolchilarni jazoladi.
Rossiya Kubogi guruh bosqichi 6-turi doirasida kechgan “Zenit” va “Spartak” jamoalari o‘rtasidagi o‘yin so‘ngida ommaviy mushtlashuv sodir bo‘lgan. Bosh hakam Vladimir Moskalev 6 futbolchini maydondan chetlatgan — Aleksandr Sobolyev, Shamar Nikolson, Aleksandr Selixov (barchasi “Spartak”), Vilmar Barrios, Rodrigao va Malkom (barchasi “Zenit”).
Tartib-intizom qo‘mitasi RFI intizom reglamenti 97-modda 2-qismiga binoan ushbu futbolchilarni Rossiya Kubogining 6 ta o‘yiniga diskvalifikatsiya qildi.
Shuningdek, “Zenit” jamoasi 230 ming rubl, “Spartak” esa 150 ming rubl jarimaga tortildi.
27-noyabr kuni bo‘lib o‘tgan uchrashuvda 0:0 hisobi qayd etildi va penaltilar seriyasida “Zenit” 4:2 hisobida zafar quchdi.
Izoh (0)