Ilon Mask 6 oydan keyin odamlar miyasiga chip o‘rnatish boshlanishini ma’lum qildi
Milliarder Ilon Mask olti oydan keyin uning Neuralink kompaniyasi miyaga o‘rnatiladigan chiplarni odamlarda klinik sinovdan o‘tkazishini aytdi. Bu haqda Reuters xabar berdi.
So‘nggi yillarda Neuralink mazkur interfeysni hayvonlarda tajriba o‘tkazgan. Kompaniya uni odamlarda sinab ko‘rish uchun AQSH regulyatoriga ariza topshirgan. Neuralink odamni kompyuterga ulashning yuqori texnologiyasini taklif etadi. Jumladan, operatsiyani bajarish uchun bosh suyagini ochib, miya to‘qimalariga mini-elektrodlarni (chipni) birlashtirish zarur.
Kompaniya chipning yaroqlilik muddatini uzaytirish ustida ishlamoqda. Bundan tashqari, Neuralink allaqachon ko‘rish qobiliyatini tiklaydigan ko‘z implantlari va orqa miyasi shikastlangan bemorlarning harakatchanligini tiklay oladigan yechimlar ustida ishlamoqda.
Biroq chipning taqdimotida maymun o‘rnatilgan chip orqali kompyuterda matn tera olgani namoyish qilingan. Qurilma neyron impulslarini kompyuter o‘qiy oladigan ma‘lumotlarga aylantirgan.
Mask bu texnologiya odamlar va texnologik mashinalar o‘rtasida ma’lumot uzatish imkonini berishiga umid qilmoqda. Neuralink implantant juda ixcham, tanga shaklidagi 23×8 millimetrdan iborat. Undan olingan ma’lumotlar megabit tezlikda va 10 metrgacha bo‘lgan diapazonda uzatiladi. Chip batareyasi sutka davomida ishlaydi. U tungi vaqtda magnit zaryadlash moslamasi yordamida quvvatlanadi. Neyrochipni implantatsiya qilish bo‘yicha operatsiya robotlashtirilgan bo‘ladi.
Mavzuga doir:
- Ilon Maskning startapi videoo‘yin o‘ynayotgan maymun roligini namoyish etdi
- Ilon Mask maymunga kompyuterda o‘yin o‘ynashni o‘rgatdi
- Neyrochipni o‘rnatishga mo‘ljallangan jarroh-robot taqdim etildi
