Mamanbiy Omarov Qoraqalpog‘iston transport vaziri etib tayinlandi. Bu haqda Jo‘qorg‘i Kenges matbuot xizmati xabar berdi.
Ma’lum qilinishicha, Jo‘qorg‘i Kenges raisi Amanbay O‘rinbayev 30-noyabr kuni respublika hududida transport xizmatini ko‘rsatish borasidagi ishlarni takomillashtirish hamda yo‘l qo‘yilgan xatolarga bag‘ishlangan yig‘ilish o‘tkazgan.
Yig‘ilishda transport xizmati ko‘rsatish bo‘yicha ishlar samarali takomillashtirilmagani va boshqa bir qator kamchiliklarga yo‘l qo‘ygani sababli Qoraqalpog‘iston transport vazirining o‘rinbosari va vazirlik huquqshunosi lavozimidan ozod etilgani ham ma’lum qilingan.
Omarov Mamanbiy tayinovga qadar O‘zbekiston Transport vazirligining Xalqaro aloqalar, logistika va eksportni rag‘batlantirish boshqarmasi boshlig‘i lavozimida ishlab kelgan. Bunga qadar 2019-yildan buyon Qoraqalpog‘iston transport vazirligiga Sultanbay Saparov rahbarlik qilib kelgan.
Izoh (0)