Toshkent viloyati hokimi Zoir Mirzayev ohangaronlik murojaatchi Muhayyo Sadirovaning 30 million so‘m moddiy yordam so‘rab qilgan murojaatini rad qildi.
Xafa bo‘lmasangiz, shu murojaatingizni rad qilindi deb yozaman. Boisi, yaqinda besh million so‘m moddiy yordam olgan ekansiz, — deydi Zoir Mirzayev.
Ohangaron shahar hokimining xotin-qizlar masalalari bo‘yicha o‘rinbosari, shahar Oila va xotin-qizlar bo‘limi boshlig‘i Shahlo Ismatovaning “Daryo”ga ma’lumot berishicha, Muhayyo Sadirovaga kuni kecha “Saxovat va ko‘mak” jamg‘armasidan 5,5 million so‘m moddiy yordam berilgan.
Bu pul Muhayyo opaning sog‘lig‘ini tiklash, davolanishi uchun berilgandi, — deydi u.
Moddiy yordam berilgach, yana qo‘shimcha 30 million so‘m moddiy yordam berish juda mushkul. Shu sabab viloyat hokimi Muhayyo opaga mehnatga layoqatli farzandlari mehnat qilishi kerakligini, buning uchun imkoniyat yaratib berilishini aytdi, — deydi Shahlo Ismatova.
Toshkent viloyatining Ohangaron shahrida bo‘lib o‘tayotgan qabulda Zoir Mirzayev murojaatchilarning aksariyati yordam uchun faqat pul so‘rayotganini, hokim yordamga muhtoj fuqaroga 10-12 million so‘mgacha pul berishi mumkinligini, ammo bundan ortig‘i mumkin emasligini ta’kidlamoqda.
Izoh (0)