Freddie Mac davlat ipoteka korporatsiyasi ma’lumotlariga ko‘ra, o‘tgan haftada AQSHda uzoq muddatli ipoteka bo‘yicha stavkalar 2008-yildagi moliyaviy inqirozdan keyin birinchi marta 6 foizdan oshdi. Bu haqda “Interfaks” xabar bermoqda.
30 yillik ipoteka kreditlari bo‘yicha o‘rtacha foiz stavkasi yakunlangan haftada 6,02 foizgacha ko‘tarildi. Bu ko‘rsatkich bir hafta oldin yillik 5,89 foiz va bir yil oldin 2,86 foiz edi.
Bunda 500 ming dollarlik uyni 100 ming dollar boshlang‘ich to‘lov va qolgan qismini 6,02 foiz ipoteka bilan sotib olish, o‘rtacha 30 yil davomida kredit bo‘yicha foizlar uchun 465 ming dollar to‘lashni anglatadi.
Bir yil oldin, ipoteka bo‘yicha ortiqcha to‘lov taxminan 200 ming dollarni tashkil qilgan bo‘lar edi.
Shuningdek, 15 yil muddatga kreditlar bo‘yicha o‘rtacha stavka 5 baravarga oshib, 5,21 foizni tashkil etdi.
Freddie Mac butun mamlakat bo‘ylab taxminan 80 ta ipoteka kreditorlarining ma’lumotlari asosida o‘rtacha stavkalarni hisoblab chiqadi.
Avvalroq AQSHning neft zaxiralari 1984-yildan beri eng past darajaga tushib ketgan edi.
Izoh (0)