“Interfaks” nashrining xabar berishicha, Rossiya va Turkiya prezidentlarining Sochida bo‘lib o‘tgan muzokaralaridan so‘ng turk tomonining taqvimi tufayli qo‘shma matbuot anjumani rejalashtirilmagan, dedi Vladimir Putin matbuot kotibi Dmitriy Peskov jurnalistlarga.
Matbuot anjumani o‘tkazilishi Turkiya delegatsiyasi uchun noqulay, chunki uchrashuv cho‘zilib ketishi mumkin. Ular Turkiyaga o‘z vaqtida qaytib ketishlari kerak”, deb tushuntirdi u.Dmitriy Peskov, Kreml vakillari va bosh vazir o‘rinbosari Aleksandr Novakning Rossiya—Turkiya oliy darajadagi muzokaralari yakunlari bo‘yicha jurnalistlar bilan suhbatlashishga va’da berdi.
Rajab Toyyib Erdo‘g‘on Sochiga 5-avgust kuni keladi. “Vladimir Putin Turkiyaga taklif qilingan edi, prezident Anqaraga safar qilishni rejalashtiryaptimi”, degan savolga Peskov Sochidagi uchrashuvda bu masalani hal qilinishini aytdi.
Kreml matbuot xizmati avvalroq, prezidentlar Rossiya–Turkiya hamkorligi, jumladan, savdo-iqtisodiy aloqalarni kengaytirish va energetika sohasidagi qo‘shma strategik loyihalarni batafsil muhokama qilishlari haqida xabar bergan edi.
Shuningdek, brifingda xalqaro kun tartibidagi dolzarb masalalar yuzasidan fikr almashiladi. Peskov, prezidentlar Qorabog‘dagi so‘nggi vaziyatni ham muhokama qilishlari mumkinligini ham ma’lum qildi.
Mavzuga doir: Putin va Erdo‘g‘on Sochida muzokara o‘tkazadi
Izoh (0)