AQSH harbiy-dengiz kuchlarining yirik desant kemasi USS Kearsarge, juma kuni Xelsinkining Hernesaari portiga yetib keladi, deb xabar bermoqda “Interfaks”.
Kema poytaxt portida uch kun qoladi, biroq tashrif davomida bortda ommaviy tadbirlar o‘tkazilmaydi”, — dedi Finlyandiya harbiy-dengiz kuchlari matbuot xizmati.Dushanba (8-avgust) kuni USS Kearsarge, USS Arlington va USS Gunston Hall hamrohligida Boltiq dengizining shimoliy qismiga suzib boradi.
Shuningdek, 19-avgustga qadar Xanko mintaqasi, mamlakatining janubiy qismidagi Xankoniemi va Upinniemi hududlari sohilida AQSH va Finlyandiya harbiy-dengiz kuchlarining qo‘shma mashg‘ulotlari o‘tkaziladi.
Amerika kemalarida 2 mingga yaqin dengizchilar va AQSH dengiz piyodalari korpusining askarlari bor.
Mashg‘ulotlarda Finlyandiyadan harbiy-dengiz kuchlari shtab-kvartirasi, Uudenmaa brigadasi, qirg‘oq brigadasi va qirg‘oq qo‘riqlash qo‘shinlari hamda kemalari ishtirok etmoqda.
Mashg‘ulotlar davomida ikki davlat qurolli kuchlarining o‘zaro muvofiqligini rivojlantirish, jumladan, Finlyandiyani NATO qo‘shinlari qabul qiluvchi davlat sifatida qo‘llab-quvvatlash masalalari ishlab chiqiladi.
Mashg‘ulotlarni o‘tkazish operatsiyalari Finlyandiya havo kuchlarining Hornet qiruvchi samolyotlari, shuningdek, AQSHning Chinook va Blackhawk vertolyotlari tomonidan qo‘llab-quvvatlanadi.
Finlyandiya harbiy-dengiz kuchlari mashg‘ulotlar “suv va havo faolligi bo‘yicha sezilarli kema harakati bilan birga bo‘lishi hamda Xankoniemi va Upinniemi hududlarida havoda ko‘p shovqin keltirib chiqarishi” haqida ogohlantirgan.
Amerika kemalarining tashrifi chorshanba kuni AQSH Senati Finlyandiyaning NATO a’zoligini yoqlab ovoz berganidan bir necha kun o‘tib amalga oshirildi.
18-may kuni Finlyandiya va Shvetsiya alyansga qo‘shilish uchun ariza berganidan keyin Qo‘shma Shtatlar NATOning 23-davlatiga aylandi.
Hammasi bo‘lib alyans tarkibiga 30 ta davlat kiradi, ularning aksariyati Finlyandiya va Shvetsiyani qabul qilish tarafdori bo‘lgan. Turkiyaning yakuniy pozitsiyasi hali aniq emas, garchi u iyun oyida Finlyandiya va Shvetsiyani NATOga a’zolikka taklif qilishga kelishib olgan bo‘lsa ham.
Mavzuga doir: AQSH Senati Shvetsiya va Finlyandiyaning NATOga qo‘shilishini ma’qulladi
Izoh (0)