Navoiyda soliq boshqarmasida xodimlar ish vaqti boshlanishidan 2 soat avval ishga chaqirilgani aytilmoqda

Navoiy viloyat davlat soliq boshqarmasida xodimlar ish vaqtidan erta yo‘qlama qilinishi haqida xabar qilingan.

“Biz ham odammi?! Qul bo‘lsak kerak deb o‘ylayman! Navoiy viloyat davlat soliq boshqarmasida ertalab soat 06:45–07:00 da yo‘qlama, soat 08:00 da esa majlis. Vaholanki, ish vaqti soat 09:00 dan. Shu tariqa soat kechki 10, 11, 12 gacha ish. Bizda oila yo‘q, farzand yo‘q va shaxsiy hayotga ham ehtiyoj yo‘q, deb o‘ylasa kerak rahbarlarimiz”, – deydi murojaatchi.

Navoiy shahar Davlat mehnat inspeksiyasi ma’lum qilishicha, ushbu holatni o‘z nazoratiga olgan, o‘rganish natijalari haqida qo‘shimcha axborot beriladi.