Ukrainaning Donetsk viloyati Chasov Yar shahrida besh qavatli turar joy binosining o‘qqa tutilishi oqibatida kamida olti kishi halok bo‘ldi, yana besh kishi jarohatlandi. Bu haqda viloyat hokimligi rahbari Pavel Kirilenkoga tayanib, Meduza xabar berdi.
Rasmiyning so‘zlariga ko‘ra, 9-iyul kuni kechqurun Rossiya qo‘shinlari uyni “Uragan” baravar o‘t ochuvchi raketa tizimidan o‘qqa tutgan. Uyning ikkita podyezdi butunlay vayron bo‘lgan.
Kirilenko keltirgan mahalliy aholining so‘zlariga ko‘ra, vayronalar ostida 34 kishi, jumladan, to‘qqiz yoshli bola borligi taxmin qilinmoqda. Qutqaruvchilar vayronalar ostida qolgan ikki kishi bilan aloqaga chiqqan.
Izoh (0)