15-iyunda O‘zbekiston respublika tovar-xomashyo birjasining ertalabki savdo sessiyasida o‘tkazilgan birja savdo natijalariga ko‘ra shakarning narxi avvalgi kunga nisbatan yana 123,8 so‘mga pasayib, mahsulotning bir tonnasi uchun 10 million 631,1 ming so‘mni tashkil qildi.
Ushbu savdolarda shakar bo‘yicha shakllangan minimal narx mahsulotning bir tonnasi uchun 9 700 ming so‘m atrofida qayd etilgan.
10—15-iyun savdo kunlarida shakarning barcha kategoriyasi bo‘yicha shakllangan o‘rtacha kunlik narxi mahsulotning bir tonnasi uchun jami 14 million 554,5 ming so‘mdan 10 million 631,1 ming so‘mgacha, ya’ni 27 foizga pasaygan.
Ta’kidlanishicha, 15-iyunda birjaning kechki savdo sessiyasida sotuvchi korxonalar tomonidan 1 000 tonna qo‘shimcha shakar hajmi birja savdolariga qo‘yilishi kutilmoqda.
Avvalroq 10—14-iyunda O‘zbekiston respublika tovar-xomashyo birjasida o‘tkazilgan ochiq birja savdolari natijalariga ko‘ra, shakarning barcha kategoriyasi bo‘yicha shakllangan o‘rtacha kunlik narxi mahsulotning bir tonnasi uchun 14 million 554,5 ming so‘mdan 10 million 754,9 ming so‘mgacha, ya’ni 26,1 foizga pasaygandi.
Izoh (0)