“Sof” ish haqi reytingida O‘zbekiston 99-o‘rinni egalladi

O‘zbekiston 107 ta davlat orasida soliqlardan keyin o‘rtacha oylik ish haqi bo‘yicha mamlakatlar reytingida 99-o‘rinni egalladi. Bu haqda “Kursiv” xabar berdi.

Mamlakatda o‘rtacha oylik ish haqi 277,7 dollarni tashkil etdi.

MDH davlatlari orasida Rossiya eng yaxshi natijaga erishdi — 52-o‘rin (804,1 dollar).

Armaniston 79-o‘rinda (425,3 dollar), Qozog‘iston 81-o‘rinda (413,7 dollar), Moldova 86-o‘rinda (391,3 dollar), Belarus esa 89-o‘rinda (365,1 dollar).

Reyting yetakchilari Shveysariya (5942,4 dollar), Avstraliya (4181,4 dollar) va Singapur (4158,5 dollar) bo‘ldi.

Eng yomon ko‘rsatkichlar Pokiston (176,8 dollar), Nigeriya (163,7 dollar) va Shri-Lanka (142,3 dollar).

O‘zbekistonda 1-iyundan boshlab budjet tashkilotlari xodimlarining ish haqi 12 foizga oshiriladi. Shu davrdan boshlab eng kam ish haqi oyiga 920 000 so‘mni, bazaviy hisoblash miqdori esa 300 000 so‘mni tashkil etadi.

Avvalroq O‘zbekistonda 1-iyundan tibbiyot xodimlarining ish haqi ikki marta oshishi ma’lum qilingan edi.