Bugun,

  • USD 11014.01
  • RUB 191.8
  • EUR 10674.78

Davlat statistika qo‘mitasi ma’lumotiga ko‘ra, joriy yilning yanvar—aprel oylari yakuni bo‘yicha tashqi savdo hajmi 17,1 mlrd dollarni tashkil etgan. Bu 2021-yilga nisbatan 6,5 mlrd dollarga yoki 61,2 foizga ko‘proq. Shundan 7 mlrd dollari eksportga, 10 mlrd dollari importga to‘g‘ri keladi.

Foto: “Daryo” / Madina Nurman

Foto: “Daryo” / Madina Nurman

O‘zbekiston kim bilan ko‘proq savdo ishlarini olib borgan

So‘nggi oylarda Xitoy O‘zbekistonning savdodagi asosiy hamkoriga aylandi. Bu davlat bilan tovar ayirboshlash hajmi 3,1 mlrd dollarga yetgan.

Rossiya 2,5 mlrd dollar bilan ikkinchi o‘rin bo‘ldi, Qozog‘iston 1,4 mlrd dollar bilan uchinchi o‘rinni egalladi.

Turkiya to‘rtinchi (1,1 mlrd dollar), Janubiy Koreya esa beshinchi o‘rinda ( 912 mln dollar) qayd etilgan.

Shuningdek, Germaniya, Qirg‘iziston, Turkmaniston, Afg‘oniston va Hindiston ham kuchli o‘nlikdan joy olgan.

O‘zbekiston bu mamlakatlarning aksariyati bilan savdo munosabatlarida sotishdan ko‘ra, ko‘proq sotib oladi. Ayniqsa, Janubiy Koreya bilan oradagi farq kuchli — eksport atigi 16,2 mln dollarni, import esa 895 mln dollarni tashkil etgan.

O‘zbekiston kimga nima sotdi

Birinchi o‘rinda oltin (ulushi 42 foiz). Ikkinchi o‘rinda  sanoat tovarlari (21,6 foiz), uchinchi o‘rinda xizmatlar (11,8 foiz).

Miqdorlar haqida gapiradigan bo‘lsak, oltin 2,9 mlrd dollarga, sanoat tovarlari 1,5 mlrd dollarga, xizmatlar esa 836 mln dollarga sotilgan.

11,7 foiz ulush bilan Xitoy asosiy xaridor bo‘lgan. Ikkinchi o‘rinda Rossiya (9,9 foiz), uchinchi o‘rinda Turkiya (8,1 foiz).

Toshkent shahri, Toshkent va Andijon viloyatlari xorijga eng ko‘p mahsulot sotgan. Eng kam sotganlar — Surxondaryo, Xorazm va Jizzax viloyatlari.

O‘zbekiston kimdan nima sotib oldi

Birinchi o‘rinda avvalgi yillardagi kabi sanoatni rivojlantirish uchun mashina va transport-asbob uskunalari (3,5 mlrd dollar).

Ikkinchi o‘rinda sanoat mahsulotlari (1,8 mlrd dollar), uchinchi o‘rinda kimyoviy vositalar va shunga o‘xshash mahsulotlar (1,4 mlrd dollar).

O‘zbekiston eng ko‘pi Xitoy (22,7 foiz), Rossiya (18,5 foiz) va Qozog‘istondan (10,3 foiz) xarid qilgan.

Hududlar bo‘yicha eng ko‘p import qilingan mahsulotlar Toshkent shahri, Toshkent va Andijon viloyatlariga to‘g‘ri keladi. Eng kami — Qashqadaryo viloyati, Qoraqalpog‘iston Respublikasi hamda Surxondaryo viloyatiga.

E’tiborga molik jihatlar

O‘zbekiston sotishdan ko‘ra, ko‘proq sotib olishda davom etmoqda. Bu iqtisodiyotni jadal rivojlantirish uchun resurslar va vositalar sotib olinayotgani bilan izohlanadi.

Shu maqsadda mamlakat bir necha yillardan beri sanoat uchun zarur bo‘lgan mashina va uskunalarga eng ko‘p mablag‘ sarfladi. Buning evaziga, masalan, oltin yuborilmoqda.

Izoh
Asosiy yangiliklar
Mahalliy
Shavkat Mirziyoyev rasmiy tashrif bilan Vengriyaga boradi
Mahalliy
Samarqandda bir guruh yigitlar IIB xodimlariga qarshilik ko‘rsatib, qochishga uringani aks etgan video bo‘yicha izoh berildi
Sport
Indoneziyadagi futbol uchrashuvi vaqtida yuzaga kelgan tartibsizliklar oqibatida 127 kishi halok bo‘ldi (video)