Londonning “Arsenal” jamoasi “Inter” hujumchisi Lautaro Martinesga qiziqish bildirmoqda.
“Kanonirlar” argentinalik futbolchi uchun 60 million yevro taklif qilmoqchi, deya xabar beradi Ekrem Konur o‘z Twitter sahifasida.
“Manchester Yunayted” ham 24 yoshli futbolchini o‘z safiga qo‘shib olish istagida. Mankunianliklar Martinesning transferiga ayni damda “Sevilya”da ijara asosida to‘p surayotgan Antoni Marsyalni ham qo‘shmoqchi.
Avvalroq, Lautaroga “Atletiko” qiziqish bildirgani haqida xabar qilingandi.
Ma’lumot uchun, Martines 2018-yildan beri “Inter” sharafini himoya qilib keladi. U 2021/22-yilgi mavsumda barcha musobaqalarda 45 o‘yinda maydonga tushib, o‘z hisobiga 21 ta gol va 3 ta golli uzatma yozdirib qo‘ydi. Lautaroning “nerazzurilar” bilan amaldagi shartnomasi 2026-yilda o‘z nihoyasiga yetadi. Transfemarkt futbolchining narxini 70 million yevro etib belgilagan.
