Ilon Mask birinchi bo‘lib o‘rtacha yillik o‘sish tendensiyalari tahlili asosida 2024-yilga qadar 1 trillionlik marraga erishadi. Bu haqda Tipalti Approve ma’lumotlariga tayanib, Yahoo xabar bermoqda.
Mask hozirda 200 mlrd dollarga yaqin boylik bilan dunyodagi eng badavlat odam bo‘lib turibdi. Joriy yilning yanvar oyi o‘rtalariga kelib bu ko‘rsatkich 263 mlrd dollarni tashkil qilgan edi. Mask daromadining asosiy qismi Tesla va SpaceX loyihasiga to‘g‘ri keladi.
2017 yildan beri Maskning boyligi yillik o‘rtacha 129 foizga o‘sdi, bu uning trillion dollarlik marraga atigi ikki yil ichida yetishini va 2024-yilga kelib 52 yoshida 1,38 trln dollarlik sof boylikka erishishini ko‘rsatmoqda, — deyiladi xabarda.Ro‘yxatdagi boshqa milliarderlar orasida Hindiston konglomerati Adani Group raisi va asoschisi Gautam Adani, Microsoft asoschisi Bill Geyts, Beijing ByteDance Technology raisi va asoschisi Chjan Yiming va Amazon sobiq bosh direktori Jeff Bezos ham bor
Mashhur video almashish ilovalari TikTok va Toutiao uchun bosh kompaniyaga asos solgan Chjan Yiming 2026-yilga borib trillioner maqomiga erishishi kutilmoqda. Agar shunday bo‘ladigan bo‘lsa, Yiming 42 yoshda dunyodagi eng yosh trillioner bo‘ladi.
Avvalroq Ilon Mask qariyb 6 mlrd dollarlik Tesla aksiyalarini xayriya qilgani haqida xabar berilgan edi.