Rossiyaning eng yirik kosmetika do‘konlari tarmoqlaridan biri “Magnit Kosmetik” O‘zbekiston bozoriga kirib kelmoqda. Bu haqda “Magnit” kompaniyasi prezidenti va bosh direktori Yan Danning xabar qildi.
O‘zbekiston — deyarli 40 mln aholiga ega bo‘lgan aholisi yosh va tez o‘sib boradigan davlat, bu yerda zamonaviy chakana savdo formatlar hali unchalik ko‘p emas. Shu jihatdan bu jozibador bozor. Biz formatimizni O‘zbekistonda yo‘lga qo‘yishga harakat qilamiz va tez orada birinchi do‘konni ochishni rejalashtirganmiz, — deydi Danning.
O‘zbekiston “Magnit” uchun Rossiyadan tashqari bo‘lgan birinchi bozor bo‘ladi. “Magnit” Rossiyada o‘zining oziq-ovqat do‘konlari bilan ham mashhur, lekin ularni O‘zbekistonda ochish hozircha rejalashtirilmagan.
Intellektual mulk agentligi ma’lumotlar bazasiga ko‘ra, “Magnit” ayni paytda O‘zbekistonda o‘zining bir nechta tovar belgilarini ro‘yxatdan o‘tkazishga bergan.
“Magnit Kosmetik” Rossiyadagi eng yirik kosmetika va dorixona do‘konlari tarmog‘idan biri hisoblanadi. 2021-yil oxiriga kelib uning tarkibiga 6966 ta savdo nuqtalari kirgan.
Izoh (0)