Indoneziyada Yava orolidagi eng baland – Semeru vulqoni faollashdi. Vulqon uyg‘onishi oqibatida havoga chiqqan kul ustuni uning atrofidagi qishloqlarni qoplab oldi. Bu haqda Meduza xabar berdi.
Vayron bo‘lgan binolar va hodisa oqibatida halok bo‘lganlar haqida rasmiy ma’lumotlar berilmagan. Hukumat vulqon atrofida yashaydigan aholini xavfsiz joyga evakuatsiya qilish ishlarini boshlab yuborgan.
Ijtimoiy tarmoqlarda vulqon kulidan qochib, boshqa joyga ketayotgan kattalar va bolalar aks etgan videolar tarqalgan.
Hodisaga guvoh bo‘lgan odamlarning so‘zlariga ko‘ra, ayrim hududlarda vulqon kuli quyoshni to‘sib qo‘ygan va bu ancha vahimali ko‘rinmoqda.
Indoneziya rasmiylari tomonidan turli aviakompaniyalarga vulqon kulining balandligi 15 ming metrgacha ko‘tarilishi mumkinligi haqida ogohlantirishlar berilgan.
Avval noyabr oyida Palma orolidagi vulqondan otilgan navbatdagi lava oqimi Atlantika okeaniga yetib borgani, sentabrda esa Kanar orollarida Kumbre-Vyexa vulqonining otilishi tufayli mingga yaqin aholi evakuatsiya qilingani haqida xabarlar berilgan.
Mavzuga doir:
- Fotoreportaj: Palma oroli 1 oydan buyon tinmayotgan vulqon otilishi tufayli kul bilan qoplandi
- Kanar orollarida 1971-yildan beri “uyquda bo‘lgan” vulqon otilishni boshladi. Undan avval vulqon yaqinida 22 mingta zilzila yuz bergan (foto va video)
- Sitsiliya orolidagi Etna vulqoni faollashdi (video)
- Indoneziyada Merapi vulqoni otila boshladi (video)
Izoh (0)