Kino olami qanchalar katta bo‘lmasin, suratga olish maydonchasida ko‘pincha qarindosh aktyor va aktrisalar ham ishtirok etadi. Bundan tashqari, ko‘plab aktyorlar bobolardan tortib nabiralargacha bo‘lgan professional sulolalarga tegishli. Ko‘rinib turibdiki, aktyorlik mahorati haqiqatan ham genetik jihatdan belgilanadi va avloddan-avlodga o‘tadi.
Tom Felton va Nayjel Ensti – “Garri Potter va hikmatlar toshi”
Tom Feltonning ona tomondan bobosi Nayjel Ensti o‘z nabirasi bilan Garri Potter franshizasining bir nechta epizodlarida rol o‘ynagan. Professorlardan biri rolini o‘ynagan Ensti haqiqiy hayotda umuman aktyor emas, balki geofizik. Balki bobo injiq nabirasini kuzatish uchun suratga olish maydoniga kelgandir?
Emma va Sofi Tompson – “Garri Potter va ajal tuhfasi”
Britaniyalik aktrisa Emma Tompson ekrandagi eng esda qolarli personajlardan birini gavdalantirdi: professor Sivill Trelon rolini ijro etdi. Uning singlisi Sofi Tompson Afsungarlik vazirligi xodimi Mufalda Xmelkirk rolini o‘ynadi.
Reyf Fayns va Xiro Frayns Tiffin – “Garri Potter va tilsim shahzodasi”
Reyf Fayns Voldemort qiyofasida paydo bo‘lganida, yovuz odamni boshqacha tasavvur qilishning iloji yo‘q edi. Biroq bolalar uyidagi yosh Tom Riddl tomoshabinlar uchun juda ma’qul ko‘rildi. Ehtimol, bolaning Fayns bilan oilaviy aloqalari borligi sabablidir. Film rejissori Devid Yeytsning aytishicha, u jiyanini aktyorga tashqi o‘xshashligi uchun tanlagan, oilaviy rishtalar rol o‘ynamagan.
Kolin va Tom Xenks – “Buyuk Bak Xovard”
Bosh qahramon huquqshunoslik oliygohini tark etadi va omadsiz illyuziyachining yordamchisiga aylanadi. Otasi, tabiiyki, bu qarordan xursand emas. Filmda haqiqiy ota va o‘g‘il Tom va Kolin Xenks o‘ynagani sujetni yanada ishonchli qiladi.
Mami Gammer va Meril Strip – “Riki va Flesh”
Ushbu kartinada ekrandagi qarindoshlar haqiqiy ona va qizni o‘ynadi. Meril Strip qizi Mami Gammer bilan uchrashish uchun orzusidan voz kechishga majbur bo‘lgan rok-yulduzini gavdalantirgan.
Meggi va Jeyk Jillenxol – “Donni Darko”
Meggi kartinada kichik, ammo muhim rolni, uning ukasi esa asosiy rolni o‘ynadi. E’tiborlisi, aktrisa dastlab filmga faqat ukasi tufayli taklif qilinganiga ishonib, suratga tushishdan bosh tortgan. Ammo rejissor bu rol u uchun yaratilganiga ishontirdi va oxir-oqibat uni ko‘ndirdi.
Emili va Zoui Deshanel – “Suyaklar”
Ma’lum bo‘lishicha, serialni suratga olishda uning singlisi Zoui ham ishtirok etgan. 2009-yilda u 5-mavsumning bayram epizodida uzoq vaqtdan beri yo‘qolgan ikkinchi amakivachcha Temperans rolini o‘ynadi. Bu epizodda bosh qahramonning otasi kinoya bilan aktrisalarning hayotdagi munosabatlariga ishora qilib, “G‘alati o‘xshashlik. Siz deyarli opa-singilsiz”, deydi.
Gvinet Peltrou va Blayt Danner – “Silviya”
“Silviya” filmi suratga olinayotganda Gvinet Peltrou allaqachon Gollivudda nom qozongan edi. U Silviya Plat rolini ijro etganida, shoirning onasi roliga aktrisaning haqiqiy onasi, Blayt Danner taklif qilingan.
Hilari va Xeyli Daff – “Haqiqiy qizlar”
Xeyli ham, Hilari Daff ham mustaqil ravishda muvaffaqiyatli kayeraga ega. Ammo ularning “Haqiqiy qizlar” komediyasidagi dueti bir zumda ommalashdi. Oradan 15 yil o‘tgach opa-singil yana bir kartinada suratga tushishni xohlaydi.
Bryus va Rumer Uillis – “Garovga olingan”
Ushbu kartinada Bryus Uillis bosh rolni o‘ynadi, u garovga olingan oilani qutqarishi kerak bo‘lgan omadsiz politsiyachi. Uning qizi Rumer farzandi rolini ijro etdi. Rumer allaqachon otasi va onasi – Demi Mur bilan bir necha rol ijro etgan.
Anjelina Joli va Jon Voyt – “Lara Kroft: Dahma talonchisi”
Haqiqiy oilaviy rishtalarning ekran munosabatlariga mos kelishining yana bir misoli. Anjelina Jolining otasi Jon Voyt franshizaning birinchi filmida Laraning otasi Richard Kroft rolini o‘ynadi.
Anjelina Joli va Viven Joli-Pitt – “Malefisenta”
Anjelina Jolining kichkina qizi Viven esa onasi bilan “Malefisenta” filmida debyut qildi. U kichkina Avrora rolini o‘ynadi. Aktrisaning qizi tasvirga juda mos tushdi, bundan tashqari, u suratga olish maydonchasida Jolidan qo‘rqmagan yagona bola edi.
Izoh (0)