Tesla bosh direktori Ilon Mask o‘z avtokompaniyasining yana 934 091 ta aksiyasini 930 million dollarga sotdi. Bu haqda Reuters xabar berdi.
Bir kun avval Tesla aksiyalari deyarli 2 foizga arzonlashib, har birining narxi 1013,39 dollarni tashkil etgan, kompaniya kapitallashuvi esa 207 milliard dollarga pasaygan.
Mask noyabr oyida Tesla aksiyalarini sotishni boshladi. O‘tgan hafta u 2 millionga yaqin qimmatli qog‘ozlarni sotgan, ularning qiymati taxminan 2,5 milliard dollarni tashkil etgan. Keyinroq Twitter’da o‘zi tashkil qilgan so‘rovnoma natijasida u aksiyalardagi ulushidan yana ikki qismini sotdi. So‘rovnomada biznesmen obunachilardan Tesla aksiyalarining 10 foizini sotish kerakmi yoki yo‘qligini so‘ragandi. U aksiyalarni sotish soliq to‘lashning yagona yo‘li, deb aytgan.
15-noyabr kuni tadbirkor Tesla aksiyalarini yanada ko‘proq sotishga tayyorligini ma’lum qildi. Shu orqali u kongressmen Berni Sandersning o‘ta boy amerikaliklarni adolatli soliqqa tortishga chaqirgan bayonotiga munosabat bildirdi. Ilon Mask AQShda “milliarderlar uchun soliq” joriy etilishiga qarshi chiqqan. Mavzuga doir:
