Ayniqsa, kuz va qish mavsumida ko‘p kuzatiladigan terining qurishiga nimalar sabab bo‘lishi mumkinligi haqida ma’lumot berib o‘tamiz.
Foto: Marie Claire
Qandli diabet
Terining qurishiga olib kelishi mumkin bo‘lgan asosiy kasallik qandli diabet hisoblanadi. Uning rivojlanish jarayonida epidermis degidratsiyasi yuz beradi va oqibatda teri qurishni boshlaydi.
Qalqonsimon bez bilan bog‘liq muammolar
Tirsakning bukiladigan qismini haddan ortiq qurishi qalqonsimon bez bilan bilan bog‘liq muammolardan darak berishi mumkin. Gipertireoz yoki gipotireoz shu yo‘sinda rivojlanishi mumkinligi sabab terida istalgan o‘zgarishlar kuzatilsa, endokrinologga murojaat qilish kerak.
Atropik dermatit
Terining qurishi atropik dermatitga ham xos alomat sanaladi. Ammo bu tashxis bolalikda aniqlangani sabab aksariyat hollarda boshqa simptomlar ham kuzatiladi.
Kasallik bo‘lmasa, unda nima?
Yuqoridagilardan tashqari terining qurishi yosh bilan bog‘liq o‘zgarishlar dalolat berishi mumkin. Masalan, menopauza davrida ayollarda ko‘pincha teri elastikligi va tonusini yo‘qotadi. Teri qurishiga “zagar”, sovuq havo harorati hamda А, В, С va Е singari vitaminlar tanqisligi sabab bo‘ladi. Bundan tashqari, issiq vanna qabul qilish, shuningdek, skrab va boshqa epidermisni tozalovchi muolajalar ham terining qurishini keltirib chiqaradi. Bu kabi muammolarni oldini olish uchun qaynoq suvdan foydalanmaslik, qolaversa skrabdan 10-14 kundan kam oraliqda foydalanish tavsiya qilinadi.
Mavzuga doir:
