Mutlaqo o‘zgacha dizayn va koronavirus sabab aloqadagi uzilishlar Apple’ning yangi “aqlli” soatlarini ishlab chiqarish jadvaliga ta’sir ko‘rsatmoqda, deb xabar beradi Hi-Tech.Mail.ru.
Foto: Phonearena
Apple Watch Series 7 ni ishlab chiqarishning kechiktirilishiga qaysidir ma’noda yangi “aqlli” soatlarning konstruksiyasidagi murakkablik sabab bo‘lmoqda. Elektron modul, ehtiyot qismlar va displeylarni yig‘ishda muammo aniqlangan. Mu haqda Nikkei Asia ma’lum qilgan, biroq Apple holatga izoh berishdan bosh tortmoqda.
Tarqalgan ma’lumotlarga ko‘ra, Apple Watch Series 7 kattaroq ekranga ega bo‘lishi (1 millimetrga) va 41 hamda 45 millimetrli o‘lchamlarda yetkazib berishli kerak. Ularning dizayni iPhone 12 va iPhone 13 dizayniga mos keladi — ularning chet qismi tekis va ingichka.
Bundan tashqari, Apple Watch’ning keyingi avlodlari yangi funksiyalarga, masalan, arterial qon bosimini o‘lchash imkoniyatiga ega bo‘ladi. Bu ishlab chiqarishda kichik korpusga ko‘plab ehtiyot qismlarni joylashtirish kerakligini anglatadi. Manbalarning so‘zlariga ko‘ra, yangi mahsulot suv o‘tkazmaslik talabiga javob berishi kerak, bu esa muhandislar va ishlab chiqarish vazifasini yanada murakkablashtiradi.
Apple va uning yetkazib beruvchilari muammoni hal etish hamda yangi dizaynni soatlar ommaviy ishlab chiqarishga yo‘naltirilishidan oldin sertifikatdan o‘tkazishga urinmoqda. Ma’lum qilinishicha, avvalroq, kompaniya soatlarni ommaviy ishlab chiqarishni sentabr o‘rtalariga rejalashtirgan. Ammo hozirda Apple ehtiyot qismlarni yetkazib beruvchilardan biroz shoshmaslikni so‘ramoqda.
Apple Watch Series 7 hamon iPhone 13 bilan birgan onlayn-taqdimotda namoyish etilishi mumkin. Manbaning so‘zlariga ko‘ra, mavjud muammolar Amerika kompaniyasining qurilmalarni tarqatish borasidagi rejasiga ta’sir ko‘rsatishi mumkin.
Avvalroq Apple Watch 2022-yildan boshlab bosim, qondagi qand va alkogol miqdorini o‘lchashni o‘rganib olishi to‘g‘risida xabar berilgandi.
