TikTok ijtimoiy tarmog‘ida butun dunyo bo‘ylab muloqot qilish uchun eng ko‘p yuklab olingan dasturga aylanib, Facebook’ni ortda qoldirdi. Bu haqda Nikkei Asia Report ma’lumotlariga tayanib, IXBT xabar berdi.
TikTok foydalanuvchilarining ortishi koronavirus pandemiyasi sabab ko‘pchilikning masofadan turib ta’lim olish va ishlashga o‘tgani bilan izohlanmoqda. Natijada TikTok nafaqat yoshlar o‘rtasida, balki o‘rta yoshlilar va hatto keksalar o‘rtasida ommalashgan.
Ta’kidlash kerakki, AQSh hukumati Donald Tramp prezidentligi davrida TikTok va WeChat’ni taqiqlab qo‘ygan edi, biroq hokimiyatga Jo Baydenning kelishi bilan taqiq bekor qilindi — bu esa TikTok’ning Amerikadagi foydalanuvchilari sonining ortishiga xizmat qildi. TikTok’ning muvaffaqiyati Instagram Reels va YouTube Shorts kabi dasturlarning paydo bo‘lishiga olib keldi.
Uchinchi o‘rinni WhatsApp egallagan bo‘lsa, uning ortidan Instagram, Facebook Messenger, Snapchat, Telegram, Likee, Pinterest va Twitter o‘rin olgan.
Izoh (0)