G‘ildiraklar ustidagi uylarni ishlab chiqarish bilan shug‘ullanuvchi Airstream kompaniyasi va Amerikaning uylar uchun tovarlarni taqdim etuvchi Pottery Barn tarmog‘i hamkorlikdagi loyihasi — 8,5 metrli Airstream x Pottery Barn Special Edition nomli treylerini taqdim etdi, deb xabar beradi Motor.
Airstream x Pottery Barn Special Edition ichidan zanglamaydigan po‘latdan ishlangan rakovinali mini-oshxona, shuningdek, plita, pech va muzlatkich o‘rin olgan. Bunga qo‘shimcha ravishda treylerda tushlik uchun mo‘ljallangan emanli stol, to‘liq o‘lchamli burchak divani, televizor va buyumlarni saqlash uchun ko‘plab g‘aladonlar mavjud.
Mijozning talabidan kelib chiqib, treylerni bir yoki ikki o‘rindiqli karavot bilan jihozlash mumkin va bunda choyshablarning barchasi havo o‘tkazuvchan va chidamli Belgiya zig‘iridan tayyorlanadi. Bundan tashqari, treyler narxi ichidan ko‘plab dizaynerlar predmetlari, jumladan, “rulon”li darpardalar, yig‘ma stol va stullar, eshik ostonasidagi gilamcha va 16 ta anjomdan iborat idish-tovoq jamlanmasi o‘rin olgan.
Besh kishi sig‘adigan g‘ildiraklar ustidagi mazkur shinam uy 145,5 ming dollarga baholangan. Bu pulga Moskva markazidan bemalol yangi kvartira xarid qilish mumkin.
Avvalroq Kaliforniyada Tom Xenksga tegishli g‘ildiraklar ustidagi uy auksionga qo‘yilishi to‘g‘risida xabar berilgandi. 1992-yilda ishlab chiqarilgan Airstream 34 Excella’ni 150—250 ming dollarga sotish rejalashtirilgan.
Izoh (0)