Vivo kompaniyasi ikkita yangi smartfoni — Vivo S10 va S10 Pro’ni taqdim etdi. Yangi modellar ingichka hoshiyali o‘ziga xos dizayn, ikkita frontal kamerasi, uchta chaqnoqi va quyosh nuri ta’sirida rangini o‘zgartirishga qodir korpusi bilan ajralib turadi, deb xabar beradi “Afisha.uz”.
Smartfonlar 90 gertsli yangilanish chastotasiga ega Full HD+ sifatni qo‘llab-quvvatlovchi 6,44 dyuymli ekranlarga ega bo‘lgan. Barmoq izi skaneri displey ostida joylashgan. Apparat oq, laym, qora va gradiyent ranglarda taqdim etiladi, biroq ishlab chiqaruvchi asosiy e’tiborini oxirgi variantga qaratgan. U quyosh nurida rangini o‘zgartirishga qodir maxsus fotoxrom qatlam bilan qoplangan.
Vivo S10 va S10 Pro ichiga MediaTek Dimensity 1100 protsessorlari o‘rnatilgan. S10’ning tezkor xotirasi 8 gigabaytni, ichki xotirasi esa 128/256 gigabaytni tashkil etadi. S10 Pro modeli 12 gigabayt tezkor hamda 256 gigabayt ichki xotiraga ega bo‘lgan. Akkumulyatorlar sig‘imi 4050 mA/soatga teng bo‘lib, 44 vattli tezkor quvvatlanish funksiyasi mavjud. Katta model NFC-modulga ega bo‘lgan.
Smartfonlardagi kameralar soni beshta: Pro-versiyada 108 megapikselli asosiy (S10 da 64 Mp), 8 megapikselli keng burchak, 2 megapikselli makro-modul, 44 megapikselli asosiy frontal hamda 8 megapikselli keng burchakli frontal. Shuningdek, Vivo blogerlar uchun maxsus ikkita frontal chaqnoqni ham o‘rnatgan bo‘lib, u qorong‘i sharoitda ham yuzni yoritishga xizmat qiladi.
Xitoyda smartfonlar 23-iyuldan boshlab sotuvga chiqadi. Rasmiy narxi:
- Vivo S10 8/128 Gb — 418 dollar;
- Vivo S10 8/256 Gb — 464 dollar;
- Vivo S10 Pro 12/256 Gb — 525 dollar.
Izoh (0)