CIRP tahlilchilari ma’lumotlariga tayangan manba AQShda ikkinchi chorak davomida sotilgan iPhone’lar natijasi bilan bo‘lishdi, deb xabar beradi IXBT.

Foto: IXBT

Diagrammaga ko‘ra, talab borgan sari iPhone 12 lineykasi foydasi tomon siljigan. Bundan bir chorak oldin iPhone 11 shubhasiz yetakchi bo‘lgan bo‘lsa, endilikda birinchi o‘rinni iPhone 12 Pro Max bilan bo‘lishmoqda. Har bir smartfon bozorning 23 foizini egallagan va ta’kidlash kerakki, dolzarb lineyka yetakchisi aynan eng qimmat model hisoblanadi. Bundan oldin iPhone 11 va iPhone XR lineykalari orasida farq juda katta bo‘lgan. iPhone 12 modeli ikkinchi o‘rinni egallagan, ammo foizlar hisobida ham u bir necha foizga flagmandan ortda qolmoqda.

Foto: IXBT

Reytingning to‘rtinchi pog‘onasini iPhone 12 Pro egallagan, iPhone 12 mini esa 5 foiz ko‘rsatkich bilan qancha odamga mitti flagman kerakligini ko‘rsatib bermoqda. Hatto ikkinchi avlod iPhone SE ham undan ko‘ra ommalashgan. Umumiy hisobda, iPhone 12 lineykasi savdolarning 63 foizini egallagan.

Avvalroq Apple 2021-yilning ikkinchi choragida rekord darajada foyda ko‘rganini ma’lum qilgan, shuningdek, talab kamligi bois iPhone 12 mini’ni ishlab chiqarishni to‘xtatgan edi.