Tesla elektromobillari uchun eng uzun yo‘l ochildi: kompaniya 5 ming km yo‘lni 27 ta Supercharger quvvatlantirish stansiyasi yordamida birlashtirgan

Tesla China kompaniyasi Supercharger quvvatlantirish stansiyalariga o‘rnatilgan qadimiy Buyuk ipak yo‘li yaqinidan o‘tuvchi eng uzun marshrut yo‘nalishi ochilishini e’lon qildi. Mazkur marshrut uzunligi qariyb 5 ming kilometrni tashkil etib, unda 27 ta quvvatlantirish stansiyasi joylashgan, deb xabar beradi IXBT.

Kompaniya bu haqda o‘zining Twitter’dagi sahifasiga videorolik joylashtirish orqali e’lon qilgan. Tesla o‘zining elektromobillariga egalik qiluvchilar Buyuk ipak yo‘lining eng qiziqarli nuqtalarida bo‘lishiga diqqat qaratgan. Ushbu marshrut mamlakatning sharqiy va g‘arbiy qismlari joylashgan Chjoushandan Xorgosgacha davom etadi.

5000 kms with 27 Supercharger Stations👉Tesla opens the longest Supercharger route from east to west in China⚡️#TheSilkRoute @TeslaCharging pic.twitter.com/QUucp0qjK3

— Tesla Asia (@Tesla_Asia) June 19, 2021

2013-yilda Xitoy raisi Si Szinpin hozirda Yangi ipak yo‘li nomi bilan mashhur Belt and Road Initiative tashabbusi bilan chiqqan. Ushbu tashabbusga ko‘ra, Xitoy Sharq va G‘arbni birlashtiruvchi yangi temir yo‘llari, portlar, avtomagistrallar va boshqa infratuzilmalarni quradi. Loyihada kamida 100 ga yaqin davlatlar ishtirok etmoqda.

Eslatib o‘tamiz, 2021-yilning yanvarida Xitoydagi Jing’an International Center yerosti savdo kompleksida Tesla’ning dunyodagi eng yirik quvvatlantirish stansiyasi ochilgandi. Unda bir vaqtning o‘zida 72 ta avtomobil quvvatlana oladi.